ஒரு வருடத்திற்கு பிறகு நாடு திரும்பிய நோபல் பரிசு வெற்றியாளர் மச்சாடோ

வெனிசுவேலாவின் எதிர்க்கட்சித் தலைவரும் அமைதிக்கான நோபல் பரிசு வென்றவருமான மரியா கொரினா மச்சாடோ கிட்டத்தட்ட ஒரு வருட நாடுகடத்தலுக்குப் பிறகு தனது தாய்நாட்டிற்குத் திரும்பிவிட்டதாக தெரிவித்துள்ளார்.

இவரது கூட்டாளியும், நாடுகடத்தப்பட்ட ஜனாதிபதி வேட்பாளருமான எட்முண்டோ கோன்சலஸ் உர்டியா, அந்தச் செய்தியை உடனடியாக மறுபதிவு செய்து, "வெனிசுவேலா! நமது தலைவர், என் அன்புக்குரிய மரியா கொரினா, வெனிசுவேலா மண்ணில் இருக்கிறார் என்பதை உங்களுக்கு அறிவிப்பதில் நான் பெருமகிழ்ச்சி அடைகிறேன்," என்று குறிப்பிட்டுள்ளார்.

மச்சாடோ தனது நோபல் அமைதிப் பரிசைப் பெறுவதற்காக 2025ம் ஆண்டின் பிற்பகுதியில் தனது தென் அமெரிக்கத் தாய்நாட்டை இரகசியமாக விட்டு வெளியேறியதிலிருந்து நாடுகடத்தப்பட்ட நிலையில் இருந்து வருகிறார். 

மச்சாடோவின் கட்சியின் கூற்றுப்படி, அவர் குறைந்தது ஏழு முறையாவது திரும்ப முயற்சித்துள்ளார், ஆனால் வெனிசுவேலா அதிகாரிகளால் தடுக்கப்பட்டுள்ளார்.

அவர் வெனிசுலாவிலிருந்து தப்பி வந்த ஒரு மாதத்திற்குப் பிறகு, அமெரிக்கப் படைகள் அந்நாட்டின் நீண்டகாலத் தலைவரான நிக்கோலஸ் மதுரோவைக் கைது செய்து, குற்றவியல் குற்றச்சாட்டுகளை எதிர்கொள்வதற்காக நியூயார்க்கிற்கு விமானத்தில் அழைத்துச் சென்றன.

இந்த அபாயகரமான நடவடிக்கையைத் தொடங்கியதற்காக அமெரிக்க அதிபர் டொனால்ட் டிரம்பை மச்சாடோ வெகுவாகப் பாராட்டியுள்ளார். இருப்பினும், மதுரோவின் துணைவரான டெல்சி ரோட்ரிக்ஸை இடைக்கால அதிபராகப் பதவி வகிக்க வாஷிங்டன் அனுமதித்துள்ளது.