நாடு முழுவதும் 700,000 எரிவாயு சிலிண்டர்களை விநியோகிக்க திட்டம்!
லிட்ரோ எரிவாயு நிறுவனம், எரிவாயு விநியோகத்தை மேலும் வலுப்படுத்தும் விதமாக, வரும் 27ஆம் திகதிக்குள் நாடு முழுவதும் 700,000 எரிவாயு சிலிண்டர்களை விநியோகிக்கத் திட்டமிட்டுள்ளதாக அறிவித்துள்ளது.
சந்தையில் நிலவும் அதிக தேவை மற்றும் வாடிக்கையாளர் தேவைகளைக் கருத்தில் கொண்டு, நேற்று (24) 3,900 மெட்ரிக் டன் எரிவாயுவை நாட்டுக்கு கொண்டு வந்ததாக அந்நிறுவனம் தெரிவித்துள்ளது.
மேலும், நாளை (26) ஒரு எரிவாயு கப்பல் நாட்டுக்கு வரவிருப்பதாகவும், அதன்படி, சந்தைக்கு 700,000 எரிவாயு சிலிண்டர்களை விநியோகிக்கும் என லிட்ரோ ஒரு அறிக்கையை வெளியிட்டுள்ளது.
22ஆம் திகதிக்கு நாட்டிற்கு வந்த 3,900 மெட்ரிக் டன் எரிவாயுவை ஏற்றி வந்த கப்பல், 23, 24 மற்றும் இன்று (25) ஆகிய திகதிகளில் தொடர்ந்து 350,000 எரிவாயு சிலிண்டர்களை விநியோகிக்கும் என அந்நிறுவனம் தெரிவித்துள்ளது.
எனவே, வரும் நாட்களில் நுகர்வோர் சந்தையிலிருந்து வீட்டு உபயோக எரிவாயுவை எவ்வித பற்றாக்குறையுமின்றிப் பெற முடியும் என்று அந்நிறுவனம் தனது அறிவிப்பில் மேலும் தெரிவித்துள்ளது.
