சுவிற்சர்லாந்தில் வேலை செய்வோருக்கு AHV கட்டணம் அதிகரிப்பு தொடர்பான செய்தி

சுவிட்சர்லாந்தின் பசுமை தாராளவாதக் கட்சியான GLP (Grünliberale Partei), 13வது AHV ஓய்வூதியத்திற்கான கூடுதல் நிதியைத் திரட்ட VAT (Mehrwertsteuer) வரியை அதிகரிக்கும் திட்டத்திற்கு ஆதரவு தெரிவித்துள்ளது.

2026 அக்டோபர் 24ம் திகதி பேர்ன் நகரில் நடைபெற்ற கட்சிப் பிரதிநிதிகள் கூட்டத்தில் தீவிர விவாதங்களுக்குப் பின்னர் இந்த முடிவு எடுக்கப்பட்டுள்ளது.

கட்சியின் ஆதரவு நிபந்தனையற்றதல்ல. AHV ஓய்வூதியத் திட்டத்தின் நீண்டகால நிதி நிலைத்தன்மைக்குப் புதிய சீர்திருத்தங்கள் அவசியம் என்றும் GLP வலியுறுத்தியுள்ளது.

VAT வரி எவ்வளவு அதிகரிக்கும்?

• சாதாரண VAT வரி 8.1% இலிருந்து 8.5% ஆக அதிகரிக்கும்.
• ஹோட்டல் தங்குமிடங்களுக்கான VAT 3.8% இலிருந்து 4% ஆக அதிகரிக்கும்.
• உணவு, மருந்துகள் போன்ற அத்தியாவசியப் பொருட்களுக்கான குறைக்கப்பட்ட VAT 2.6% ஆகவே தொடரும்.
• புதிய VAT வரி நடைமுறைக்கு வந்தால், ஒரு குடும்பத்திற்கு ஆண்டுக்கு சராசரியாக CHF 180 கூடுதல் செலவு ஏற்படலாம் என மதிப்பிடப்பட்டுள்ளது.
  

இறுதி முடிவு எப்போது?

• 2026 நவம்பர் 29ம் திகதி மக்கள் வாக்கெடுப்பு நடைபெறவுள்ளது.
• VAT வரி அதிகரிப்பை நடைமுறைப்படுத்த மக்களினதும் மாநிலங்களினதும் பெரும்பான்மை ஆதரவு தேவை.
• வாக்கெடுப்பில் திட்டம் ஏற்றுக்கொள்ளப்பட்டால், புதிய வரி 2028 ஜனவரி மாதத்திலிருந்து நடைமுறைக்கு வரக்கூடும்.
  

13வது AHV பணம் எப்போது கிடைக்கும்?

• 2026 டிசம்பர் மாதம் முதல் 13ஆவது AHV ஓய்வூதியம் வழங்கப்படும்.
• சுமார் 26 இலட்சம் ஓய்வூதியதாரர்கள் இதன் மூலம் பயனடைவார்கள்.
• தனிநபர்களுக்கு ஆண்டுக்கு அதிகபட்சமாக CHF 2,520 கூடுதல் ஓய்வூதியம் கிடைக்கலாம்.
• திருமணமான தம்பதிகளுக்கு ஆண்டுக்கு அதிகபட்சமாக CHF 3,780 கூடுதலாகக் கிடைக்கலாம்.
• ஒவ்வொரு ஆண்டும் டிசம்பர் மாதத்தில் கூடுதல் ஓய்வூதியம் வழங்கப்படும்.
• முக்கியமாக, நவம்பர் மாத வாக்கெடுப்பின் முடிவு எதுவாக இருந்தாலும் 2026 டிசம்பர் மாதத்திற்கான 13ஆவது AHV ஓய்வூதியம் வழங்கப்படும்.
• 13வது கொடுப்பனவு AHV வயோதிப ஓய்வூதியத்தைப் பெறுபவர்களுக்கானது. 
• IV ஓய்வூதியம் மற்றும் விதவை, விதவையர் ஓய்வூதியங்களுக்கு இந்தக் கூடுதல் கொடுப்பனவு பொதுவாகப் பொருந்தாது.
  

அரசாங்கத்திற்கு எவ்வளவு பணம் தேவை?

• 13வது AHV ஓய்வூதியத்தை வழங்குவதற்கு ஆரம்பத்தில் ஆண்டுக்கு CHF 4 பில்லியனுக்கும் அதிகமான கூடுதல் செலவு ஏற்படும்.
• 2035ம் ஆண்டளவில் இந்தச் செலவு CHF 5 பில்லியனைத் தாண்டும் என எதிர்பார்க்கப்படுகிறது.
• VAT வரி உயர்வு மூலம் ஆண்டுக்கு சுமார் CHF 1.4 பில்லியன் கூடுதல் வருமானம் கிடைக்கும் என மதிப்பிடப்பட்டுள்ளது. எனினும், இந்தத் தொகை 13ஆவது ஓய்வூதியத்தின் முழுச் செலவையும் ஈடுசெய்யாது.

ஆதரவும் எதிர்ப்பும்:

• VAT வரி உயர்வை ஆதரிப்பவர்கள், ஓய்வூதிய நிதிச் செலவைப் பல தலைமுறையினரும் பகிர்ந்துகொள்ள முடியும் எனக் கூறுகின்றனர்.
• எதிர்ப்பவர்கள், VAT அதிகரிப்பு குறைந்த வருமானம் பெறும் குடும்பங்களையும் பாதிக்கும் என்றும், AHV நிதி அமைப்பில் நீண்டகாலச் சீர்திருத்தங்கள் தேவை என்றும் வாதிடுகின்றனர்.

முக்கிய அறிவிப்பு:

• 13வது AHV ஓய்வூதியம் ஏற்கெனவே அங்கீகரிக்கப்பட்டுள்ளது. தற்போது நடைபெறும் விவாதம் அதற்கான கூடுதல் நிதியை எவ்வாறு திரட்டுவது என்பதுதான்.
• VAT வரி அதிகரிப்பு இன்னும் இறுதியாக அங்கீகரிக்கப்படவில்லை.