174 பேரின் உயிரை காப்பாற்றிய ஃப்ளைதுபாய் விமானிக்கு இஸ்ரேலின் வீரதீரச் செயலுக்கான உயரிய விருது

ஃப்ளைதுபாய் விமானத்தின் மீது தனது துணை விமானி நடத்திய கொடிய தாக்குதலை முறியடித்து, 174 பயணிகள் மற்றும் விமான ஊழியர்களின் உயிரைக் காப்பாற்றியதற்காக, இந்திய கேப்டன் ஸ்மித் மச்சாருக்கு இஸ்ரேலின் மிக உயரிய வீரதீரச் செயலுக்கான விருது வழங்கப்பட்டுள்ளது. 

ஓமானைச் சேர்ந்த துணை விமானி, விமானத்தின் காக்பிட்டில் கேப்டன் மச்சார் மீது கூர்மையான ஆயுதத்தால் தாக்குதல் நடத்தியுள்ளார். படுகாயமடைந்த போதிலும், அவர் தனது கடமையைச் செய்து காக்பிட் கதவைத் திறந்துளார். 

இந்த வீரதீரச் செயல், விமானத்தில் இருந்த இஸ்ரேலியப் பயணிகள் உடனடியாக காக்பிட்டிற்குள் நுழைந்து தாக்குதல் நடத்தியவரை வீழ்த்துவதற்கு வழிவகுத்தது. 

டெல் அவிவில் உள்ள ஒரு கட்டிடத்தில் விமானத்தை மோதச் செய்வதே துணை விமானியின் திட்டமாக இருந்தது என்று இஸ்ரேலிய உளவு அமைப்புகள் கூறுகின்றன. 

கேப்டன் மச்சாரின் வீரதீரச் செயலைத் தொடர்ந்து, ஓய்வுபெற்ற விமானிகள் குழுவால் அந்த விமானம் சவுதி அரேபியாவில் பாதுகாப்பாகத் தரையிறக்கப்பட்டது.

தற்போது ஐக்கிய அரபு அமீரகத்தில் உள்ள ஒரு மருத்துவமனையில் சிகிச்சை பெற்று வரும் கேப்டன் ஸ்மித் மச்சார், குணமடைந்தவுடன் இஸ்ரேலிய ஜனாதிபதி ஐசக் ஹெர்சாக்கிடமிருந்து 'ஜனாதிபதியின் குடிமக்கள் வீரதீரச் செயலுக்கான விருதை'ப் பெற உள்ளார்.