சர்வதேச விமானங்களின் பாதுகாப்பு மறுஆய்வுக்கு இஸ்ரேல் உத்தரவு
துபாயிலிருந்து இஸ்ரேல் நோக்கிச் சென்ற விமானத்தை ஓமானி துணை விமானி ஒருவர் மோதச் செய்ய முயன்றதைத் தொடர்ந்து, இஸ்ரேலுக்கான சர்வதேச விமானங்களின் பாதுகாப்பு மறுஆய்வுக்கு இஸ்ரேலியப் பிரதமர் பெஞ்சமின் நெதன்யாகு உத்தரவிட்டுள்ளார்.
"இஸ்ரேலுக்கான வெளிநாட்டுப் பயணிகள் விமானப் போக்குவரத்தின் அனைத்துப் பாதுகாப்பு அம்சங்களையும் முழுமையாக மறுஆய்வு செய்ய ஒரு பரிசோதகரை நியமிக்குமாறு தேசியப் பாதுகாப்புக் குழுவின் தலைவர் ஷமுவேல் பென் எஜ்ராவுக்கு நெதன்யாகு அறிவுறுத்தியுள்ளார்" என்று பிரதமரின் அலுவலகம் வெளியிட்ட அறிக்கையில் கூறப்பட்டுள்ளது.
புதன்கிழமை துபாயிலிருந்து டெல் அவிவ் சென்ற ஃப்ளைதுபாய் விமானத்தின் ஓமானி துணை விமானி, இந்திய விமானியைக் கத்தியால் குத்திய பின்னர் விமானத்தை வீழ்த்த முயன்ற பாதுகாப்பு குறைபாடு குறித்து விசாரணை நடத்த வேண்டும் என்ற கோரிக்கைகள் இஸ்ரேலில் வலுப்பெற்றுள்ளன.
அந்தத் துணை விமானி இஸ்ரேலிய எல்லைக்குள் விமானத்தை மோதச் செய்யும் நோக்கத்தில் இருந்ததாக இஸ்ரேலிய ஊடகங்கள் செய்தி வெளியிட்டுள்ளன.
