டைட்டானிக் கப்பலின் அரிய உயிர்காக்கும் உடை ரூ. பல கோடிக்கு ஏலம்!
1912ஆம் ஆண்டு டைட்டானிக் கப்பல் விபத்தின் போது பயன்படுத்தப்பட்டதாகக் கூறப்படும் அரிய உயிர்காக்கும் உடை ஒன்று, 2026ஆம் ஆண்டு நடைபெற்ற ஏலத்தில் $900,000-க்கும் அதிகமான தொகைக்கு விற்பனை செய்யப்பட்டுள்ளது.
டைட்டானிக் கப்பலில் 3,500-க்கும் மேற்பட்டோர் இருந்ததாகக் கூறப்படும் நிலையில், அந்தக் காலத்தில் பயன்படுத்தப்பட்ட கேன்வாஸ் துணி மற்றும் கார்க் கொண்டு தயாரிக்கப்பட்ட உயிர்காக்கும் உடைகளில் தற்போது ஒரு டஜனுக்கும் குறைவானவை மட்டுமே எஞ்சியுள்ளதாக தகவல்கள் தெரிவிக்கின்றன.
சுமார் 12 கார்க் துண்டுகளைக் கொண்ட இந்தப் பழமையான உயிர்காக்கும் உடைகள், கடலில் சிக்கிய பயணிகள் மிதந்து உயிரைக் காப்பாற்ற உதவும் வகையில் வடிவமைக்கப்பட்டிருந்தன.
எனினும், உடைகளின் கடினமான கார்க் அமைப்பு காரணமாக, கப்பலில் இருந்து கடலில் குதித்த சில பயணிகளுக்கு கழுத்துப் பகுதியில் கடுமையான காயங்கள் ஏற்பட்டதாக வரலாற்றுத் தகவல்கள் தெரிவிக்கின்றன.
இந்நிலையில், டைட்டானிக் கப்பல் விபத்தில் உயிர் பிழைத்த லாரா மேபல் ஃபிரான்சடெல்லிக்கு சொந்தமானதாகக் கூறப்படும் ஒரு உயிர்காக்கும் உடை ஏலத்தில் இடம்பெற்றது.
மேலும், அந்த உடையில் உயிர் பிழைத்த எட்டு பேரின் கையெழுத்துகளும் இடம்பெற்றிருந்ததாக தெரிவிக்கப்பட்டுள்ளது.
அரிய வரலாற்றுச் சின்னமாகக் கருதப்படும் இந்த உயிர்காக்கும் உடை, இறுதியில் $900,000-க்கும் அதிகமான தொகைக்கு விற்பனையாகியுள்ளது.
