மலேசியாவில் 5 பேரை ஏற்றிச் சென்ற ஹெலிகாப்டர் விபத்து

பறக்கும் மருத்துவர் சேவை ஹெலிகாப்டர் ஒன்று, ஐந்து பேரை ஏற்றிச் சென்ற நிலையில், மலேசியாவின் போர்னியோ தீவில் உள்ள ஒரு விமான நிலையத்திற்கு அருகே விபத்துக்குள்ளாகியுள்ளது.

சரவாக் மாநிலத்தில் நடந்த இந்த விபத்தில் ஏற்பட்ட உயிரிழப்புகள் குறித்து அதிகாரிகள் இன்னும் உறுதிப்படுத்தவில்லை. 

மலேசியாவின் சுகாதார அமைச்சர் சுல்கெஃப்லி அஹ்மத் ஒரு அறிக்கையில், ஆரம்பகட்ட தகவல்களின்படி, ஒரு விமானி, ஒரு மருத்துவ அதிகாரி, ஒரு உதவி மருத்துவ அதிகாரி மற்றும் இரண்டு செவிலியர்கள் இருந்ததாகக் குறிப்பிட்டுள்ளார்.

பறக்கும் மருத்துவர் சேவை என்பது பொதுவாக கிராமப்புற அல்லது தனிமைப்படுத்தப்பட்ட பகுதிகளுக்கு மருத்துவப் பராமரிப்பு, அவசரகால போக்குவரத்து மற்றும் மருத்துவ சேவைகளை வழங்க விமானங்களைப் பயன்படுத்துவதாகும்.

தற்போதைய நிலவரப்படி, அனைத்து விமானப் பணியாளர்கள், பயணிகளின் நிலை மற்றும் விபத்திற்கான காரணம் இன்னும் கண்டறியப்படவில்லை என்று சுல்கெஃப்லி குறிப்பிட்டுள்ளார்.

இச்செய்திக்கு பிரதான அனுசரணை

வீடியோ இங்கே