நீதிபதிகளின் ஓய்வுப்பெறும் வயதை நீட்டிக்க அமைச்சரவை ஒப்புதல்! - வர்த்தமானியில் வெளியிட தீர்மானம்!
நீதிபதிகளின் ஓய்வு பெறும் வயதை நீட்டிப்பதற்கான விதிகளை உள்ளடக்கிய முன்மொழியப்பட்ட அரசியலமைப்புத் திருத்த சட்டமூலத்திற்கு இலங்கை அமைச்சரவை ஒப்புதல் அளித்துள்ளது.
தனியார் தொலைக்காட்சி நிகழ்ச்சி ஒன்றுக்கு பேட்டியளித்த நீதியமைச்சர் ஹர்ஷன நாணயக்கார இதனை தெரிவித்துள்ளார்.
அரசியலமைப்பு மற்றும் நீதித்துறைச் சட்டத்தைத் திருத்துவதன் மூலம் அனைத்து நீதிபதிகளின் ஓய்வு பெறும் வயதை அதிகரிப்பதற்கு அமைச்சரவை ஒப்புதல் அளித்துள்ளதாக அவர் கூறியுள்ளார்.
இந்த சட்ட வரைவு தற்போது அரசாங்க வர்த்தமானியில் வெளியிடப்படும் என்று நீதி அமைச்சர் மேலும் கூறினார்.
முன்மொழியப்பட்ட இந்தத் திருத்தத்தில், நீதிபதிகளின் ஓய்வு பெறும் வயதை இரண்டு ஆண்டுகள் நீட்டிப்பது, மேல்முறையீட்டு நீதிமன்றம் மற்றும் உயர் நீதிமன்றங்களில் நீதிபதிகளின் எண்ணிக்கையை அதிகரிப்பது, மற்றும் பிரதம நீதிபதியின் பதவிக்காலத்தை ஆறு ஆண்டுகளாகக் கட்டுப்படுத்துவது ஆகியவை அடங்கும்.
இந்த சட்டமூலம் வர்த்தமானியில் வெளியிடப்பட்டவுடன், அரசியலமைப்பு நடைமுறையின்படி அதன் விதிகளை எதிர்த்து நீதிமன்றங்களில் மனுக்கள் தாக்கல் செய்யப்படலாம் என்றும் அமைச்சர் தெரிவித்தார்.
இச்செய்திக்கு பிரதான அனுசரணை
வீடியோ இங்கே
