யாழ்ப்பாணத்தில் அதிக கட்டணம் வசூலித்த தனியார் மருத்துவமனைக்கு 3 மில்லியன் ரூபாய் அபராதம்
யாழ்ப்பாணத்தில் உள்ள ஒரு தனியார் மருத்துவமனை, இரத்தப் பரிசோதனைக்காக அனுமதிக்கப்பட்ட அதிகபட்ச கட்டணத்தை விட அதிகமாக நோயாளிகளிடம் கட்டணம் வசூலித்ததற்காக, யாழ்ப்பாண நீதவான் நீதிமன்றத்தால் 3 மில்லியன் ரூபாய் அபராதம் விதிக்கப்பட்டுள்ளது.
யாழ்ப்பாணம், கந்தர்மடம், பாலளி வீதியில் அமைந்துள்ள வீனஸ் சிறப்பு தனியார்மருத்துவமனைக்கு, முழு இரத்த(FBC) பரிசோதனைக்கு அனுமதிக்கப்பட்ட கட்டணம் ரூ. 400 ஆக இருந்தபோதிலும், ரூ. 550 வசூலித்த குற்றத்திற்காக அபராதம் விதிக்கப்பட்டது.
ஒரு சிறப்பு ஆய்வின் போது, சம்பந்தப்பட்ட மருத்துவமனை FBC பரிசோதனைக்கு அனுமதிக்கப்பட்ட கட்டணத்தை மீறியுள்ளதை நுகர்வோர் விவகாரங்கள் அதிகார சபை அதிகாரிகள் கண்டறிந்தனர்.
இதைத் தொடர்ந்து யாழ்ப்பாண நீதவான் நீதிமன்றத்தில் சட்ட நடவடிக்கை தொடங்கப்பட்டது. ஜூலை 21 அன்று வழக்கு விசாரணைக்கு வந்தபோது, மருத்துவமனை தனது குற்றத்தை ஒப்புக்கொண்டது.
3 மில்லியன் ரூபாய் அபராதத்துடன், இக்குற்றம் தொடர்பான அறிவிப்புகளை தேசியப் பத்திரிகைகளில் தனது சொந்த செலவில் வெளியிடுமாறும் நீதிமன்றம் மருத்துவமனைக்கு உத்தரவிட்டது.
இச்செய்திக்கு பிரதான அனுசரணை
வீடியோ இங்கே
