"அபிவிருத்திக்கு புதிய அர்த்தம் கொடுக்க இளம் தலைவர்கள் உழைக்க வேண்டும்" - கெப்பிட்டல் மகாராஜா மாநாட்டில் அழைப்பு!

இலங்கையின் முன்னணி வர்த்தக நிறுவனங்களில் ஒன்றான கெப்பிட்டல் மகாராஜா குழுமத்தின் (Capital Maharaja Group - CMG) "ஆண்டின் சிறந்த நிர்வாக அதிகாரி" (Executive of the Year - EOTY) தெரிவுக்கான வருடாந்த மாநாடு ஜூலை 17ஆம் திகதி வெள்ளிக்கிழமை பிரமாண்டமாக நடைபெற்றது.

இந்த மாநாடு மற்றும் விருது வழங்கும் நிகழ்வு இரத்மலானையில் அமைந்துள்ள புகழ்பெற்ற ஸ்டெய்ன் ஸ்டுடியோ (Stein Studios) வளாகத்தில் இடம்பெற்றது. நாட்டின் தற்போதைய சூழலில், இளம் தலைவர்கள் தங்களின் தனிப்பட்ட அபிலாஷைகளையும் நிறுவனப் பொறுப்புகளையும் ஒன்றிணைத்துச் செயற்பட வேண்டும் 

என்றும், 'அபிவிருத்தி' என்ற சொல்லுக்கு புதிய மற்றும் பரந்த அர்த்தத்தை உருவாக்க முன்னின்று உழைக்க வேண்டும் என்றும் இந்த மாநாட்டில் வலியுறுத்தப்பட்டது.

ஒருவருடைய தனிப்பட்ட வெற்றியின் உண்மையான பெறுமதி, அது ஒட்டுமொத்த நாட்டின் பொருளாதார மற்றும் சமூக முன்னேற்றத்திற்கு எந்த அளவிற்குப் பங்களிப்பு செய்கிறது என்பதில்தான் தங்கியுள்ளது 

என்ற முக்கிய கருத்து மாநாட்டில் முன்வைக்கப்பட்டது. கெப்பிட்டல் மகாராஜா குழுமத்தின் கீழ் உள்ள பல்வேறு துறைகளைச் சேர்ந்த சிறந்த அதிகாரிகளின் திறமைகள் மற்றும் அர்ப்பணிப்பை கௌரவிக்கும் முகமாக இந்த வருடாந்த மாநாட்டில் விருதுகளும் வழங்கி வைக்கப்பட்டன.

இச்செய்திக்கு பிரதான அனுசரணை

வீடியோ இங்கே