வியட்நாமில் படகு கவிழ்ந்ததில் 15 இந்திய சுற்றுலாப் பயணிகள் மரணம்

வியட்நாமின் ஃபு குவோக் தீவு அருகே பல சுற்றுலாப் பயணிகளை ஏற்றிச் சென்ற படகு கவிழ்ந்ததில், 13 ஆண்கள் மற்றும் 2 பெண்கள் உட்பட 15 இந்தியர்கள் உயிரிழந்தனர். 

மேலும், மீதமிருந்த 21 பேர் மீட்கப்பட்டு மருத்துவமனைக்கு கொண்டு செல்லப்பட்டனர், அவர்களில் இருவர் கவலைக்கிடமான நிலையில் உள்ளனர். 

உயிரிழந்தவர்களில், 10 பேர் தமிழ்நாட்டைச் சேர்ந்தவர்கள், மூன்று பேர் ஆந்திரப் பிரதேசத்தைச் சேர்ந்தவர்கள் மற்றும் இரண்டு பேர் கேரளாவைச் சேர்ந்தவர்கள்.

உள்ளூர் ஊடக அறிக்கைகளின்படி, அந்தப் படகில் 32 இந்திய சுற்றுலாப் பயணிகள், மூன்று படகு ஊழியர்கள் மற்றும் ஒரு உதவியாளர் உட்பட 36 பேர் பயணம் செய்தனர். 

கொந்தளிப்பான கடல் மற்றும் பலத்த காற்றுக்கு மத்தியில், ஹான் மே ரட் ங்கோய் தீவிலிருந்து அன் தோய் துறைமுகத்திற்குப் புறப்பட்ட சிறிது நேரத்திலேயே படகு கவிழ்ந்ததாகக் கூறப்படுகிறது. அனைத்துப் பயணிகளும் படகு ஊழியர்களும் தண்ணீரில் விழுந்துள்ளனர்.

இச்செய்திக்கு பிரதான அனுசரணை

வீடியோ இங்கே