முன்னாள் கன்சர்வேடிவ் அமைச்சரின் மரணத்தைத் தொடர்ந்து சந்தேகத்தின் பேரில் 26 வயது இளைஞர் கைது

முன்னாள் கன்சர்வேடிவ் அமைச்சர் ஆன் விடெகோம்ப், தனது இல்லத்தில் "கடுமையான காயங்களுடன்" இறந்து கிடந்த நிலையில் கண்டெடுக்கப்பட்டதைத் தொடர்ந்து, கொலைச் சந்தேகத்தின் பேரில் ஒருவரை காவல்துறை கைது செய்துள்ளது.

விடெகோம்பின் வீட்டிலிருந்து சுமார் 10 மைல் தொலைவில் உள்ள நியூட்டன் அபோட்டில், 26 வயதான பிரிட்டிஷ் நாட்டவர் ஒருவர் கைது செய்யப்பட்டதாக டெவன் மற்றும் கார்ன்வால் காவல்துறை தெரிவித்துள்ளது.

இந்தச் சம்பவம் பயங்கரவாதமாகக் கருதப்படவில்லை என்று எக்ஸிடரில் நடந்த செய்தியாளர் சந்திப்பில் உதவித் தலைமை காவலர் மாட் லாங்மேன் குறிப்பிட்டுள்ளார்.

மேலும், 78 வயதான முன்னாள் அமைச்சருக்கு ஏதேனும் அச்சுறுத்தல்கள் வந்ததா என்பதைத் தெரிவிக்க அந்த அதிகாரி மறுத்துவிட்டார்.

"காவல்துறையின் முக்கிய குற்றப் புலனாய்வுக் குழுவின் துப்பறிவாளர்கள், செல்வி விடெகோம்பின் மரணம் தொடர்பான சூழ்நிலைகள் குறித்து கொலை விசாரணையைத் தொடங்கி, விரிவான விசாரணைகளை நடத்தி வருகின்றனர்" என்று மாட் லாங்மேன் குறிப்பிட்டுள்ளார்.

இச்செய்திக்கு பிரதான அனுசரணை

வீடியோ இங்கே