300 மில்லியன் பெறுமதியான இதய ஆய்வகம் யாழ் போதனா வைத்தியசாலையில் திறந்து வைப்பு‘
யாழ்ப்பாணப் போதனா மருத்துவமனையில் நவீன செயற்கை நுண்ணறிவு (AI) தொழில்நுட்பத்துடன் கூடிய அதிநவீன இதய ஆய்வகம் (Cath Lab ), சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ அவர்களின் பிரசன்னத்தில் நேற்று (27) திறந்து வைக்கப்பட்டது.
சுகாதார மற்றும் வெகுஜன ஊடக அமைச்சகத்தால் 300 மில்லியன் செலவில் நிறுவப்பட்ட இந்த நவீன இதய ஆய்வகம், இதய நோய் கண்டறிதல் மற்றும் சிகிச்சை சேவைகளை மேலும் விரிவுபடுத்துதல் மற்றும் மக்களுக்கு உகந்த சுகாதார சேவைகளை வழங்குதல் ஆகிய நோக்கங்களுடன் ஆரம்பித்து வைக்கப்பட்டுள்ளது.
இந்த புதிய வசதியின் மூலம், யாழ்ப்பாணம், கிளிநொச்சி, முல்லைத்தீவு, மன்னார் மற்றும் வவுனியா மாவட்டங்களில் வசிக்கும் 1.1 மில்லியனுக்கும் அதிகமான மக்கள் தங்கள் சொந்த மாகாணத்திற்குள்ளேயே விசேட இதய சிகிச்சை சேவைகளைப் பெறும் வாய்ப்பைப் பெறுவார்கள்.
அதனைத் தொடர்ந்து, அமைச்சர் யாழ்ப்பாணப் போதனா வைத்தியசாலையின் புறநோயாளர் பிரிவு, அறுவை சிகிச்சை பிரிவு, அவசர சிகிச்சை பிரிவு, ஆய்வகங்கள், சி.டி. ஸ்கேன் பிரிவு மற்றும் அபிவிருத்தித் திட்டங்களைப் பார்வையிட்டதோடு, நோயாளிகளின் நலனையும் ஆய்வு செய்தார்.
இதன்புாது 30 மில்லியன் மதிப்புள்ள எதிரொலி இயந்திரம் மற்றும் சிகிச்சைகளுக்குப் பயன்படுத்தப்படும் இதர வைத்தியசாலை உபகரணங்களை அமைச்சர் கையளித்துள்ளார்.
இதில் சக்கர், மல்டி மானிட்டர், சிரிஞ்ச் பம்ப், இன்ஃப்யூஷன் பம்ப் மற்றும் இதர வைத்தியசாலை உபகரணங்கள் மற்றும் சக்கர நாற்காலிகள் ஆகியவை அடங்கும்.
ஆய்வுப் பயணத்தைத் தொடர்ந்து, அமைச்சர் வைத்தியசாலை நிர்வாகம் மற்றும் சுகாதாரப் பணியாளர்களுடன் நீண்ட கலந்துரையாடலில் ஈடுபட்டதோடு, அவர்களிடம் எதிர்நோக்கும் பிரச்சனைகளையும் கேட்டறிந்தார்.
