தனது புகைப்படத்துடன் புதிய அமெரிக்க கடவுச்சீட்டை வெளியிட்ட டொனால்ட் டிரம்ப்
ஜனாதிபதி டொனால்ட் டிரம்ப், நாட்டின் 250வது சுதந்திர தினத்தைக் குறிக்கும் வகையில், தனது கண்டிப்பான முகத்தோற்றத்துடன் கூடிய புதிய, வரையறுக்கப்பட்ட அமெரிக்க கடவுச்சீட்டின் மாதிரியை வெளியிட்டுள்ளார்.
புதிய கடவுச்சீட்டில், 'வரவேற்கிறோம், ஆனால் நல்லபடியாக நடந்துகொள்ளுங்கள்!' என்று தெரிவிக்கப்பட்டுள்ளது.
அந்தப் படத்தில், டிரம்ப் தனது மேசையில் சாய்ந்தபடி கோபமாக இருப்பதும் அவரது கையொப்பமும் பின்னணியில் சுதந்திரப் பிரகடனத்தின் வாசகங்களும் இடம்பெற்றுள்ளன.
மறுபக்கத்தில், 1776ல் பிரகடனத்தில் கையொப்பமிடப்பட்டதைக் காட்டும் ஒரு ஓவியமும் "யுனைடெட் ஸ்டேட்ஸ் ஆஃப் அமெரிக்கா 250" என்ற வார்த்தைகளும் இடம்பெற்றுள்ளன.
டிரம்ப், அரசாங்க நிறுவனங்களில் தனது தனிப்பட்ட முத்திரையை ஆக்ரோஷமாகப் பதித்து வருகிறார்; பல அரசாங்கக் கட்டிடங்களுக்கு வெளியே ஜனாதிபதியின் பதாகைகள் பறக்கின்றன, மேலும் அவரது கையொப்பம் விரைவில் ஒரு டாலர் நோட்டில் இடம்பெறும் என்று கருவூலத் துறை கூறியுள்ளது.
