கோட்டாபயவின் ரிட் மனு மீதான விசாரணை ஒத்திவைப்பு!

ஈஸ்டர் ஞாயிறு பயங்கரவாதத் தாக்குதல்கள் தொடர்பான விசாரணைகள் குறித்து தனது கைது நடவடிக்கையைத் தடுக்க உத்தரவு கோரி முன்னாள் ஜனாதிபதி கோட்டாபய ராஜபக்ஷ தாக்கல் செய்த ரிட் மனு மீதான  பரிசீலனை ஜூலை 6ஆம் திகதிவரை ஒத்திவைக்கப்பட்டுள்ளது. 

குறித்த மனு நேற்று மேல்முறையீட்டு நீதிமன்றத் தலைவர், நீதிபதி ரொஹந்த அபேசூரிய மற்றும் நீதிபதி சரத் திசாநாயக்க ஆகியோர் அடங்கிய அமர்வின் முன்பாக பரிசீலனைக்கு எடுத்துக்கொள்ளப்பட்ட நிலையில் மேற்படி உத்தரவிடப்பட்டுள்ளது. 

கோட்டபய ராஜபக்ஷ சார்பில் முன்னிலையான சட்டதரணி   ரொமேஷ் டி சில்வா, ஈஸ்டர் ஞாயிறு பயங்கரவாதத் தாக்குதல்களை விசாரித்த உச்ச நீதிமன்ற நீதிபதி ஜனக் டி சில்வா தலைமையிலான ஆணைக்குழு, முன்னாள் உயர் நீதிமன்ற நீதிபதி ஜெயகி டி அல்விஸ் ஆணைக்குழு மற்றும் பாராளுமன்ற தெரிவுக் குழு ஆகியவற்றால் சமர்ப்பிக்கப்பட்ட அறிக்கையில்  கோட்டாபய ராஜபக்ஷவின் பெயர் எங்கும் குறிப்பிடப்படவில்லை என்று தெரிவித்தார். 

 மேலும், ஈஸ்டர் ஞாயிறு தாக்குதல்களில் கடமையில் தவறியது தொடர்பாக தாக்கல் செய்யப்பட்ட அடிப்படை உரிமை மனுக்களை விசாரித்த ஏழு பேர் கொண்ட உச்ச நீதிமன்ற அமர்வு வழங்கிய தீர்ப்பில், முன்னாள் ஜனாதிபதி கோட்டாபய ராஜபக்ஷவைப் பற்றி ஒரு வார்த்தை கூட குறிப்பிடப்படவில்லை என்று வழக்கறிஞர் சுட்டிக்காட்டினார். 

 ஈஸ்டர் தாக்குதல்களை வழிநடத்திய சஹாரன் ஹாஷிமின் தீவிரவாத நடவடிக்கைகள் குறித்து 2017 ஆம் ஆண்டிலிருந்தே புலனாய்வு அமைப்புகளுக்கு எச்சரிக்கை விடுக்கப்பட்டிருந்ததாகவும், சஹாரன் ஹாஷிமின் தீவிரவாத நடவடிக்கைகள் தொடர்பாக காவல்துறை சட்டமா அதிபர் திணைக்களத்தில் ஒரு விசாரணை கோப்பை சமர்ப்பித்திருந்த போதிலும், இது தொடர்பாக எந்த விசாரணையும் நடத்தப்படவில்லை என்றும் அந்த வழக்கறிஞர் சுட்டிக்காட்டினார். 

 பொறுப்பற்ற முறையில் செயல்பட்டவர்கள் தற்போது கோட்டாபய ராஜபக்ஷவைக் கைது செய்யத் தயாராகி வருவதாக அவர் குற்றம் சாட்டினார். மேலும், தனது கட்சிக்காரர் பிள்ளையன் மற்றும் கருணாவுடன் அரசியல் நடவடிக்கைகளில் ஈடுபட்டுள்ளார் என்றும், ஒரு அரசியல் கூட்டத்தில் அவர்களுடன் எடுக்கப்பட்ட புகைப்படங்களைக் காட்டி, ஈஸ்டர் தாக்குதல்களில் மனுதாரருக்குத் தொடர்பு இருப்பதாகச் சந்தேகிக்க இயலாது என்றும் அந்த கூறினார்.

சட்டமா அதிபர் அலுவலகமானது, முழுமையான வன்மத்துடனும் நேர்மையற்ற நோக்கத்துடனும் அந்தப் புகைப்படங்களைச் சமர்ப்பித்ததாக சட்டமா அதிபர் மேலும் குற்றம் சாட்டினார்.

 ஆசாத் மௌலானா என்பவர் அரசியல் தஞ்சம் கோரி சுவிட்சர்லாந்துக்குத் தப்பிச் சென்றவர் என்றும், பிரிட்டனின் சேனல் 4-க்கு அளித்த தனது அறிக்கையில், இந்த நாட்டின் நீதித்துறை அமைப்பு மேலிருந்து கீழ் வரை ஊழல் நிறைந்தது என்று ஒரு கடுமையான குற்றச்சாட்டை முன்வைத்துள்ளார் என்றும் ஜனாதிபதி சட்ட ஆலோசகர் சுட்டிக்காட்டினார். 

 லசந்த விக்ரமத்துங்கவின் கொலை, கொலைகள் மற்றும் கடத்தல்கள் போன்ற அனைத்துக் குற்றங்களுக்கும் ராஜபக்ச குடும்பத்தின் மீது பழி சுமத்தும் வகையில் அந்த நபர் செயல்பட்டுள்ள நிலையில், அப்படிப்பட்ட ஒருவர் அளித்த வாக்குமூலங்களின் அடிப்படையில் தனது கட்சிக்காரரை எப்படி கைது செய்ய முடியும் என்றும் அவர் மேலும் கேள்வி எழுப்பினார். 

இதனைத் தொடர்ந்தே வழக்கின் விசாரணை ஒத்திவைக்கப்பட்டுள்ளது. 

இச்செய்திக்கு பிரதான அனுசரணை

வீடியோ இங்கே