சுவிஸ் பேச்சுவார்த்தை மேடையில் வெடித்த மோதல்! ட்ரம்பின் ஒற்றை பதிவால்!!

அமெரிக்கத் துணை அதிபர் ஜே.டி. வேன்ஸ் ஈரானிய தூதுக்குழுவுடன் புதிய இராஜதந்திர உறவைத் தொடங்க முயன்ற அதே நேரத்தில், அதிபர் டொனால்ட் ட்ரம்ப் தனது 'Truth Social' சமூக வலைத்தள பக்கத்தில் எச்சரிக்கை விடுத்தார்.

"லெபனானில் உள்ள ஹெஸ்பொல்லா அமைப்பை ஈரான் கட்டுப்படுத்தாவிட்டால், மீண்டும் மிகக் கொடூரமாகத் தாக்குவோம்" என்ற அவரது பதிவு பேச்சுவார்த்தை மேடையில் பெரும் கொந்தளிப்பை ஏற்படுத்தியது.

இந்த மிரட்டலால் கோபமடைந்த ஈரானிய நாடாளுமன்ற சபாநாயகர் முகமது பாகர் காலிபாஃப் தலைமையிலான குழுவினர், அமெரிக்கத் தரப்புடன் கூட்டுப் புகைப்படம் (Joint Photo) எடுக்கவும் கை குலுக்கவும் மறுத்து அரங்கில் இருந்து வெளியேறினர்.

தெற்கு லெபனானில் இஸ்ரேல் நடத்தி வரும் தாக்குதல்களுக்கு அமெரிக்காவே பொறுப்பேற்க வேண்டும் எனக் கூறிய ஈரான், அங்கு முழுமையான போர் நிறுத்தம் வரும் வரை உலக எரிசக்தி போக்குவரத்தின் முக்கியப் பாதையான ஹார்முஸ் ஜலசந்தி (Strait of Hormuz) முழுமையாகத் திறக்கப்படாது என மீண்டும் எச்சரித்துள்ளது.

ஈரானிய தூதுக்குழுவினர் ட்ரம்பின் மிரட்டலுக்கு எதிர்ப்புத் தெரிவிக்கும் வகையில் அரங்கில் இருந்து தற்காலிகமாக வெளிநடப்பு செய்திருந்தாலும், பேச்சுவார்த்தை முற்றிலும் முறிந்துவிடவில்லை என்று சர்வதேச இராஜதந்திர வட்டாரங்கள் தெரிவிக்கின்றன. 

கத்தார் மற்றும் பாகிஸ்தான் ஆகிய மத்தியஸ்த நாடுகள் மூலமாக, இருதரப்பிற்கும் இடையே பின்னணியில் தொடர்ந்து பேச்சுவார்த்தை முயற்சிகள் நள்ளிரவு வரை நீடித்ததாகத் தகவல்கள் வெளியாகியுள்ளன.

இச்செய்திக்கு பிரதான அனுசரணை

வீடியோ இங்கே