எரிபொருள் விலை குறைப்பு எப்போது? பிமல் ரத்நாயக்க விளக்கம்!

உலக சந்தையில் தற்போதைய எரிபொருள் விலைகள் இதே நிலையில் தொடர்ந்தால், அடுத்த ஆகஸ்ட் அல்லது செப்டம்பர் மாதத்திற்குள் இந்த நாட்டு மக்களுக்கு நிவாரணம் வழங்க முடியும் என்று அமைச்சர் பிமல் ரத்நாயக்க கூறுகிறார்.

 எரிபொருள் விற்பனையில் இலாபம் ஈட்டும் நோக்கம் அரசாங்கத்திற்கு இல்லை என்றும் அமைச்சர் சுட்டிக்காட்டுகிறார். 

 தற்போதைய நிலைமை குறித்து மேலும் கருத்து தெரிவித்த அமைச்சர், அரசாங்கம் ஏற்கனவே ஒரு லிட்டர் டீசலுக்கு  100 ரூபாயும், ஒரு லிட்டர் பெட்ரோலுக்கு  20 ரூபாயும் மானியம் வழங்கி வருவதாகக் கூறினார்.

 பொதுச் சந்தையில் பொருட்களை வாங்குவது போல எரிபொருளை உடனடியாக வாங்க முடியாது என்றும், முறையான டெண்டர் நடைமுறைகளின்படி ஒப்புக் கொள்ளப்பட்ட விலையில் அதைப் பெற வேண்டும் என்றும் அவர் சுட்டிக்காட்டியுள்ளார். 

 எண்ணெயிலிருந்து இலாபம் ஈட்ட முடியும் என்ற நம்பிக்கை அரசாங்கத்திற்கு இல்லை. எண்ணெய் விலையை கூடிய விரைவில் குறைக்க வேண்டும் என்றும் நாங்கள் உறுதியாகக் கோரிக்கை விடுத்துள்ளோம் எனவும் அவர் மேலும் கூறியுள்ளார். 

இச்செய்திக்கு பிரதான அனுசரணை

வீடியோ இங்கே