கத்தாரின் அன்பளிப்பு: "பறக்கும் வெள்ளை மாளிகை" என புதிய ஏர் ஃபோர்ஸ் ஒன் விமானத்தை வர்ணித்த அதிபர் டிரம்ப்!

அமெரிக்க அதிபர் டொனால்ட் டிரம்ப் தனது புதிய உத்தியோகபூர்வ 'ஏர் ஃபோர்ஸ் ஒன்' (Air Force One) விமானத்தை அறிமுகப்படுத்தியுள்ளார். கத்தார் அரசாங்கத்தால் அமெரிக்காவிற்கு அன்பளிப்பாக வழங்கப்பட்ட அதிநவீன போயிங் 747-8 (Boeing 747-8) ரக விமானமே இவ்வாறு புதிய ஏர் ஃபோர்ஸ் ஒன்னாக மாற்றப்பட்டுள்ளது.

புதிய விமானத்தை அறிமுகப்படுத்திப் பேசிய அதிபர் டிரம்ப், இதனை உலகின் மிக ஆடம்பரமான மற்றும் பாதுகாப்பான "பறக்கும் வெள்ளை மாளிகை" (Flying White House) என்று வர்ணித்துள்ளார்.

35 ஆண்டுகளுக்கும் மேலாக அமெரிக்க அதிபர்களின் வான்வழிப் பயணத்திற்குப் பயன்பட்டு வந்த பழைய 'போயிங் VC-25A' விமானம் அண்மையில் பிரான்சில் நடந்த G7 உச்சி மாநாட்டுடன் தனது சேவையை நிறைவு செய்துகொண்டது. 

அதனைத் தொடர்ந்தே இந்த புதிய விமானம் பயன்பாட்டிற்குக் கொண்டுவரப்பட்டுள்ளது. சர்வதேச அளவில் அதிநவீன தொழில்நுட்ப வசதிகளுடன் வடிவமைக்கப்பட்டுள்ள இந்த சொகுசு விமானத்தின் ஒட்டுமொத்த மதிப்பு சுமார் 400 மில்லியன் டாலர்கள் (சுமார் 40 கோடி டாலர்) என மதிப்பிடப்பட்டுள்ளது.

அமெரிக்காவின் வான்வழிப் பாதுகாப்பு மற்றும் அதிபரின் சொகுசுப் பயணத்திற்கான அனைத்து வசதிகளையும் உள்ளடக்கியதாக இந்த புதிய ஏர் ஃபோர்ஸ் ஒன் விமானம் விளங்கும் என ட்ரம்ப் நிர்வாக அதிகாரிகள் தெரிவித்துள்ளனர்.

இச்செய்திக்கு பிரதான அனுசரணை

வீடியோ இங்கே