மூன்று ஆண்டுகளுக்கும் மேலாக கோமாவில் இருந்த தாய்லாந்து இளவரசி காலமானார்

மூன்று ஆண்டுகளுக்கும் மேலாக கோமாவில் இருந்த தாய்லாந்து இளவரசி பஜ்ரகிதியாபா தனது 47வது வயதில் காலமானார் என அரச குடும்பம் அறிவித்துள்ளது.

2022 டிசம்பரில் தனது நாய்களுக்குப் பயிற்சி அளித்துக் கொண்டிருந்தபோது அவர் மயங்கி விழுந்தார். 

அவரது இதயத்தில் ஏற்பட்ட மைக்கோபிளாஸ்மா தொற்றால் உண்டான கடுமையான சீரற்ற இதயத் துடிப்பே இதற்குக் காரணம் என மருத்துவர்கள் தெரிவித்தனர்.

இந்நிலையில், அவரது மறைவால், தாய்லாந்து அரச குடும்பம் தனது மிகவும் புகழ்பெற்ற உறுப்பினரையும் இன்னும் தெளிவாகத் தெரியாத வாரிசுரிமையில் ஒரு முக்கியப் பங்காற்றியிருக்கக்கூடிய ஒருவரையும் இழந்துள்ளது.

அவர், மன்னர் வஜிரலோங்கோர்னின் ஏழு குழந்தைகளில் மூத்தவர் ஆவார். அவர், 1978 டிசம்பர் 7 அன்று, அவரது முதல் மனைவியும் உறவினருமான இளவரசி சோம்சாவலிக்கு மகளாகப் பிறந்தார்.