மகாராஷ்டிராவில் 82 வயது தந்தையை சாலையில் வைத்து கொலை செய்த மகன்

மகாராஷ்டிராவின் சத்ரபதி சம்பாஜிநகரில், தனக்கு எதிரான சொத்து வழக்கில் நீதிமன்றத்தில் தோல்வியடைந்த ஒருவர், தனது 82 வயது தந்தையை கத்தியால் குத்திக் கொலை செய்துள்ளார்.

பாதிக்கப்பட்டவரான ஜாஃபர் கமருதீன் சையத் படேல், தனது மகன் அப்துல் ரஹ்மான் அப்துல் ஜாஃபரின் தவறான நடத்தை காரணமாக, அவரை வீட்டிலிருந்து வெளியேற்றுவதற்காக இரண்டு வருட சட்டப் போராட்டத்தை நடத்தி வந்தார். 

ஓய்வுபெற்ற நீர்வளத்துறை ஊழியரான ஜாஃபர் படேலுக்கும் மருத்துவப் பிரதிநிதியாகப் பணிபுரியும் அவரது மகனுக்கும் இடையே நீண்டகாலமாகத் தகராறு இருந்து வந்தது.

அந்த மகன், குடும்ப உறுப்பினர்களுடன் தொடர்ந்து சண்டையிட்டு அவர்களைத் தாக்கியதாகவும் கூறப்படுகிறது.

விரக்தியடைந்த படேல், தனது வீட்டை மீட்க வழக்குத் தாக்கல் செய்வதற்கு முன்பு, புனேவில் உள்ள தனது மகளின் வீட்டிற்கு குடிபெயர்ந்தார். 

நீதிமன்றம் படேலுக்குச் சாதகமாகத் தீர்ப்பளித்து, அவரது மகனை வெளியேற்ற உத்தரவிட்டது, இதன் மூலம் வீட்டின் உரிமை தந்தைக்கே வழங்கப்பட்டது.

ஆனால், ஆத்திரமடைந்த மகன், தன் தந்தை பயணித்த ஆட்டோவை நிறுத்தி, சாலையின் நடுவில் பொதுமக்கள் கண்முன்னே அவரைக் கத்தியால் குத்திக் கொலை செய்துள்ளார்.

இச்செய்திக்கு பிரதான அனுசரணை

வீடியோ இங்கே