டிஜிட்டல் அடையாள அட்டைகளுக்குப் பதிவு செய்வதாகக் கூறி மோசடி - ஆட்பதிவு திணைக்களம் எச்சரிக்கை!

டிஜிட்டல் அடையாள அட்டைகளுக்குப் பதிவு செய்வதாகக் கூறி, மக்களின் தனிப்பட்ட தகவல்களை பெற்று பணமோசடி செய்யும் கும்பல் குறித்து ஆட்பதிவு திணைக்களம் எச்சரிக்கை விடுத்துள்ளது. 

துறையின் அதிகாரப்பூர்வ ஹாட்லைன் போன்ற தொலைபேசி எண்கள் மூலம் பொதுமக்களைத் தொடர்புகொண்டு, டிஜிட்டல் அடையாள அட்டைகள் அல்லது மின்னணு தேசிய அடையாள அட்டைகளுக்கு (இ-என்.ஐ.சி) பதிவு செய்வதாகக் கூறிவரும் நபர்கள் தொடர்பில் தங்களுக்கு முறைப்பாடு கிடைத்துள்ளதாக அத் திணைக்களம் தெரிவித்துள்ளது. 

மோசடிக்காரர்கள் +94 11 5226126, 011 5226126, 0771167739 மற்றும் 0742756098 உள்ளிட்ட தொலைபேசி எண்களைப் பயன்படுத்தி மோசடி நடவடிக்கைகளில் ஈடுபடுவதாகவும் கண்டறியப்பட்டுள்ளது. 

இந்த மோசடிக்குப் பின்னால் உள்ள நபர்கள், மாநில சின்னத்தைப் பயன்படுத்தி ஒரு மொபைல் செயலியை உருவாக்கியுள்ளதாகவும், ஆட்பதிவு திணைக்களத்தை போலவே தோற்றமளிக்கும் ஒரு இணையத்தளத்தை பயன்படுத்துவதாகவும் சுட்டிக்காட்டப்பட்டுள்ளது. 

எனவே அவ்வாறு வரும் அழைப்புகள் தொடர்பில் அவதானமாக இருக்குமாறு அறிவுறுத்தப்பட்டுள்ளது. 

இச்செய்திக்கு பிரதான அனுசரணை

வீடியோ இங்கே