மரணமடைந்த கபில சந்திரசேனவின் மரணத்தில் உள்ள மர்மங்களை அவிழ்க்க, அவருக்குச் சொந்தமான ஐபோன் (iPhone) மேலதிக ஆய்வுகளுக்காக நீதியமைச்சின் ஊடாக அமெரிக்காவில் உள்ள ஆப்பிள் (Apple Inc.) நிறுவனத்திற்கு அனுப்ப நடவடிக்கை எடுக்கப்பட்டு வருவதாக கொழும்பு குற்றத்தடுப்புப் பிரிவு நீதிமன்றத்தில் தெரிவித்துள்ளது.

கொழும்பு 7 இல் உள்ள அவரது இல்லத்தில் கண்டெடுக்கப்பட்ட பச்சை நிற பெல்ட் ஒன்று (Green Belt/Strap) இரசாயன பகுப்பாய்விற்காக அரசாங்க பகுப்பாய்வாளர் திணைக்களத்திற்கு (Government Analyst) அனுப்ப நீதிமன்றம் அனுமதி வழங்கியுள்ளது.

கபில சந்திரசேன உயிரிழந்த பெட்ரிஸ் பிளேஸ் (Pedris Place) இல்லத்தின் நான்கு நுழைவாயில்களைக் கண்காணிக்கும் சிசிடிவி காட்சிகள் முழுமையாக ஆய்வு செய்யப்பட்டுள்ளன. முதற்கட்ட ஆய்வுகளின்படி, இதுவரை சந்தேகத்திற்கிடமான நபர்கள் எவரும் வீட்டிற்குள் நுழைந்ததாகப் பதிவாகவில்லை என காவல்துறை தரப்பு குறிப்பிட்டுள்ளது.

கபில சந்திரசேனவின் தொலைபேசி அழைப்புப் பதிவுகள் (Call Records) குறித்து தொடர்ந்து விசாரணைகள் நடத்தப்பட்டு வருவதாகவும், அதுகுறித்த அறிக்கை அடுத்த அமர்வில் தாக்கல் செய்யப்படும் என்றும் தெரிவிக்கப்பட்டுள்ளது.

இன்று சாட்சியமளித்த ஜனாதிபதி சட்டத்தரணி ரியன்சி அர்சகுலரத்ன மற்றும் சட்டத்தரணி உதார முஹந்திரம் ஆகியோருக்கு, சான்றியல் கட்டளைச் சட்டத்தின் (Evidence Ordinance) கீழ் ஒரு சிறப்பு சட்ட உரிமை (Legal Privilege) வழங்கப்பட்டுள்ளது.

இதன்படி, மரணமடைந்த கபில சந்திரசேன தங்களுக்குத் தனது வழக்கறிஞர்கள் என்ற ரீதியில் வழங்கிய இரகசிய ஆலோசனைகள் அல்லது தகவல்களை நீதிமன்றத்தில் பகிரங்கப்படுத்த வேண்டிய கட்டாயம் அவர்களுக்கு இல்லை என கோட்டை நீதவான் பசன் அமரசேன தெளிவுபடுத்தியுள்ளார்.

ஏர்பஸ் (Airbus) விமானக் கொள்வனவு ஊழல் வழக்கு தொடர்பாக லஞ்ச ஊழல் ஒழிப்பு ஆணைக்குழுவினால் கபில சந்திரசேனவை மீண்டும் கைது செய்ய மே 7ஆம் திகதி நீதிமன்றம் உத்தரவிட்டிருந்த நிலையில், மே 8ஆம் திகதி அவர் கொழும்பில் உள்ள அவரது இல்லத்தில் மர்மமான முறையில் உயிரிழந்த நிலையில் கண்டெடுக்கப்பட்டார் என்பது குறிப்பிடத்தக்கது.

இச்செய்திக்கு பிரதான அனுசரணை

♻️வீட்டுக்கடன் (HYPOTHEK) 

 ♻️வீடு விற்க, (HAUSVERKAUFEN) 

♻️வீடு வாங்க, (HAUSKAUFEN) 

♻️வீடு கட்ட, (HAUSBAUEN) 

♻️வீடு திருத்த. (RENOVATION) 

SHELVA SWISS 

 IMMO 

 #SHELVA #IMMOBILIEN #HYPOTHEK #HAUSKAUFEN #HAUSVERKAUFEN

லங்கா4 (Lanka4)

(வீடியோ இங்கே )