ஜாக்குலின் பெர்னாண்டஸ் மீது குற்றச்சாட்டுகளைப் பதிவு செய்ய டெல்லி நீதிமன்றம் உத்தரவு!
டெல்லி பாட்டியாலா ஹவுஸ் நீதிமன்றத்தின் கூடுதல் அமர்வு நீதிபதி பிரசாந்த் சர்மா, இந்த வழக்கில் முறையான குற்றச்சாட்டுகளைப் பதிவு செய்வதற்காக (Formal framing of charges) நடிகை ஜாக்குலின் பெர்னாண்டஸ், சுகேஷ் சந்திரசேகர், அவனது மனைவி லீனா மரியா பால் உட்பட குற்றம் சாட்டப்பட்ட அனைத்து பிரதிவாதிகளையும் ஜூன் 3 ஆம் திகதி (நாளை) மதியம் 2 மணிக்கு நீதிமன்றத்தில் நேரில் முன்னிலையாகுமாறு உத்தரவிட்டுள்ளார்.
சுகேஷின் பின்னணி தெரிந்தே பழகினார்: சுகேஷ் சந்திரசேகர் மீது டி.டி.வி.தினகரன் லஞ்ச வழக்கு, கனரா வங்கி மோசடி வழக்கு உள்ளிட்ட பல குற்ற வழக்குகள் இருப்பது குறித்து ஜாக்குலினுக்கு வாட்ஸ்அப் (WhatsApp) மூலம் செய்திக் கட்டுரைகள் அனுப்பப்பட்டிருந்தன.
இதன் மூலம் அவனது குற்றப்பின்னணியை ஜாக்குலின் நன்கு அறிந்திருந்தார் என நீதிமன்றம் சுட்டிக்காட்டியுள்ளது. சுகேஷ் சிறையில் இருந்தபடியே மூத்த அரசு அதிகாரி போல நடித்து, ரான்பாக்ஸி (Ranbaxy) நிறுவனத்தின் முன்னாள் விளம்பரதாரர் ஷிவிந்தர் சிங்கின் மனைவி அதிதி சிங்கிடம் இருந்து ₹200 கோடிக்கும் மேல் பறித்துள்ளார்.
இந்த குற்றப்பணத்தின் மூலம் ஜாக்குலினுக்கு ₹5.71 கோடி மதிப்பிலான சொகுசுப் பரிசுகள் பிங்கி இரானி என்ற இடைத்தரகர் மூலம் வழங்கப்பட்டுள்ளன. சொகுசு கார்கள் மற்றும் பணப் பரிமாற்றம்: குற்றப்பணத்தைக் கொண்டு ஜாக்குலினின் பெற்றோருக்கு சொகுசு கார்கள் வாங்கிக் கொடுக்கப்பட்டதை மொபைல் ஆதாரங்கள் மூலம் நீதிமன்றம் உறுதிப்படுத்தியுள்ளது.
மேலும், ஜாக்குலினின் சகோதரி ஜெரால்டின் கணக்கிற்கு 1 இலட்சத்து 72 ஆயிரம் அமெரிக்க டொலர்களும், சகோதரர் வாரன் கணக்கிற்கு 26 ஆயிரம் அவுஸ்திரேலிய டொலர்களும் மாற்றப்பட்டுள்ளன.
"அப்ரூவர்" கோரிக்கை நிராகரிப்பு & அடுத்தகட்ட விசாரணை: முன்னதாக, இவ்வழக்கில் அரசுத் தரப்பு சாட்சியாக (Approver) மாற அனுமதிக்குமாறு ஜாக்குலின் நீதிமன்றத்தில் கோரிக்கை விடுத்திருந்தார்.
எனினும், அமலாக்கத்துறை (ED) இதற்கு கடும் எதிர்ப்பு தெரிவித்தது. ஜாக்குலின் இந்த மோசடியில் ஒரு சாதாரணப் பயனாளி அல்ல, அவர் குற்றப்பணத்தின் முக்கியப் பலன்களைத் தெரிந்தே அனுபவித்துள்ளார்
என்று வாதிட்டதை அடுத்து, ஜாக்குலின் தனது கோரிக்கையைத் திரும்பப் பெற்றுக் கொண்டார்.
அனைத்து ஆதாரங்களின் அடிப்படையில், பணமோசடி தடுப்புச் சட்டத்தின் (PMLA) 3 மற்றும் 4 ஆம் பிரிவுகளின் கீழ் ஜாக்குலினுக்கு எதிராக வழக்குத் தொடர போதுமான முதற்கட்ட ஆதாரங்கள் இருப்பதாக நீதிமன்றம் தீர்ப்பளித்துள்ளதால், இந்த வழக்கின் அதிகாரப்பூர்வ விசாரணை (Trial) விரைவில் தொடங்கவுள்ளது.
(வீடியோ இங்கே )
இது தொடர்பா வேற என்னலாம் நடந்திருக்குனு தெரிஞ்சுக்கலாமா?
சிறப்பு கட்டுரை
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
