கடலின் மிக வேகமான மற்றும் வலிமைமிக்க மீன்களாக கருதப்படும் பெரிய வெள்ளை சுறாக்கள் (Great White Sharks) மற்றும் சூரை மீன்கள் (Tuna) ஆகியவை தற்போது புவி வெப்பமடைதலால் பாரிய உயிரியல் நெருக்கடியைச் சந்தித்து வருவதாக ஆய்வுகள் வெளியாகியுள்ளன.

கடல் வாழ் உயிரினங்களின் உடலியல் மாற்றங்கள் குறித்து அயர்லாந்தின் டிரினிட்டி கல்லூரி மற்றும் தென் ஆப்பிரிக்காவின் பிரிட்டோரியா பல்கலைக்கழக விஞ்ஞானிகள் இணைந்து மேற்கொண்ட புதிய ஆய்வில், கடலின் பிரம்மாண்ட வேட்டையாடிகளான சுறா மற்றும் சூரை மீன்கள் பாரிய அழிவை நோக்கிச் செல்வது கண்டறியப்பட்டுள்ளது.

கடல் நீரின் வெப்பநிலை 10°C அதிகரித்தால், இந்த மீன்களின் வளர்சிதை மாற்ற விகிதம் (Metabolic Rate) இரண்டு மடங்குக்கும் மேலாக அதிகரிக்கிறது. இதன் விளைவாக, இவை தங்கள் உடல் இயக்கத்தைத் தக்கவைக்க வழக்கத்தை விட மிக அதிகப்படியான உணவை உட்கொள்ள வேண்டிய கட்டாயத்திற்குத் தள்ளப்படுகின்றன.

புவி வெப்பமடைதல் இந்த மீன்களுக்கு இரண்டு வழிகளில் ஆபத்தை ஏற்படுத்துகிறது. மீன்களின் உடல் அளவு அதிகரிக்கும் போது, அவை வெப்பத்தை உற்பத்தி செய்யும் வேகம், வெப்பத்தை வெளியேற்றும் வேகத்தை விட அதிகமாக உள்ளது. 

கடல் நீர் வெப்பமடைவதால் இவை தங்கள் உடல் சூட்டைத் தணிக்க முடியாமல் திணறுகின்றன. ஒருபுறம் அதிக உணவு தேவைப்படும் நிலையில், மறுபுறம் கடலில் நிலவும் மாற்றங்களால் இவற்றுக்கான இரை மீன்களின் எண்ணிக்கை குறைந்து வருவது இவற்றுக்கு பெரும் அச்சுறுத்தலாக மாறியுள்ளது.

வாழ்விடங்கள் சுருங்குதல்அதிகரித்து வரும் வெப்பத்தைத் தவிர்க்க இந்த மீன்கள் துருவப் பகுதிகளை நோக்கியோ அல்லது கடலின் ஆழமான குளிர்ச்சியான பகுதிகளுக்கோ இடம்பெயர வேண்டியுள்ளது.

இது அவற்றின் இயல்பான வேட்டையாடும் சுழற்சியைப் பாதிப்பதுடன், எதிர்காலத்தில் இவற்றின் இனப்பெருக்கத்திலும் பாதிப்பை ஏற்படுத்தும் என ஆராய்ச்சியாளர்கள் எச்சரித்துள்ளனர்.

கடல் வெப்பமடைதல் இதே வேகத்தில் தொடர்ந்தால், இந்த வலிமைமிக்க வேட்டையாடிகள் தங்கள் உடலியல் எல்லைகளைத் தாண்டிச் செல்ல முடியாமல் அழியும் நிலைக்குத் தள்ளப்படலாம் என இந்த ஆய்வு எச்சரித்துள்ளது.

லங்கா4 (Lanka4)

(வீடியோ இங்கே )

இச்செய்திக்கு பிரதான அனுசரணை

வீடியோ இங்கே