மத்திய கிழக்கில் "தீய சுழற்சியை" நிறுத்துங்கள்: அமெரிக்கா மற்றும் இஸ்ரேலுக்கு சீனா விடுத்துள்ள பகிரங்க எச்சரிக்கை!

ஈரானுக்கு எதிரான அமெரிக்க - இஸ்ரேல் போரில் ஈடுபட்டுள்ள அனைத்துத் தரப்பினரும், இராணுவ நடவடிக்கைகளை உடனடியாக முடிவுக்குக் கொண்டுவர வேண்டும் என சீனா கோரிக்கை விடுத்துள்ளது.

ஒரு "தீய சுழற்சி" உருவாவதைத் தடுப்பதற்கும், மீண்டும் பேச்சுவார்த்தை மேசைக்குத் திரும்புவதற்கும் இது அவசியமானது என சீனா சுட்டிக்காட்டியுள்ளது.

அல் ஜசீரா ஊடகம் வெளியிட்டுள்ள செய்தியின் படி, இந்தப் போர் ஹோர்முஸ் நீரிணையின் போக்குவரத்து மற்றும் பாதுகாப்பில் கடும் பாதிப்புகளை ஏற்படுத்தி வருகிறது.

முக்கியமான இந்த கப்பல் போக்குவரத்து நீர்வழியை மீண்டும் திறக்குமாறு, அமெரிக்க ஜனாதிபதி டொனால்ட் ட்ரம்ப் ஈரானுக்கு அழுத்தம் கொடுத்து வருவது குறித்து சீன வெளியுறவு அமைச்சகத்தின் செய்தித் தொடர்பாளர் லின் ஜியான் கருத்து தெரிவித்தார்.

"போர் நடவடிக்கைகள் தொடர்ந்து அதிகரித்து, நிலைமை மேலும் மோசமடைந்தால், ஒட்டுமொத்த பிராந்தியமும் பெரும் குழப்பத்தில் மூழ்கிவிடும்.

வன்முறையைப் பயன்படுத்துவது ஒரு தீய சுழற்சிக்கு மட்டுமே வழிவகுக்கும். இந்தப் போர் முதலில் தொடங்கியிருக்கவே கூடாது." என அவர் கூறியுள்ளார்.

மேலும், பிராந்திய அமைதியை நிலைநாட்டவும், போர் தீவிரமடைவதைத் தவிர்க்கவும் சம்பந்தப்பட்ட நாடுகள் நிதானத்தைக் கடைப்பிடிக்க வேண்டும் என்று சீனா மீண்டும் வலியுறுத்தியுள்ளது.

செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்

இச்செய்திக்கு பிரதான அனுசரணை

வீடியோ இங்கே