ஈரானிய ஆளில்லா வானூர்திகளை வீழ்த்த வளைகுடா சென்ற யுக்ரைனிய இராணுவத்தினர்!

மத்திய கிழக்கு பிராந்தியத்தில் ஈரானின் ஆளில்லா வானூர்திகளின் அச்சுறுத்தல்களை முறியடிப்பதற்காக யுக்ரைன் அதிரடி நடவடிக்கையை மேற்கொண்டுள்ளது.

அதற்காக சுமார் 200-க்கும் மேற்பட்ட யுக்ரைனிய இராணுவ வல்லுநர்கள் வளைகுடா நாடுகளில் நிலைகொண்டுள்ளதாக யுக்ரைன் ஜனாதிபதி வோலோடிமிர் செலன்ஸ்கி உத்தியோகபூர்வமாக அறிவித்துள்ளார்.

பிரித்தானிய நாடாளுமன்றத்தில் உரையாற்றிய செலன்ஸ்கி, ஈரானியத் தயாரிப்பான 'ஷாஹெட்' (Shahed) காமிக்ஸ் ஆளில்லா வானூர்திகளை எதிர்கொள்வதில் நிபுணத்துவம் பெற்ற 201 யுக்ரைனிய வல்லுநர்கள் ஏற்கனவே ஐக்கிய அரபு அமீரகம், கத்தார் மற்றும் சவுதி அரேபியா ஆகிய நாடுகளில் பணியில் ஈடுபட்டுள்ளதாகத் தெரிவித்தார்.

மேலும் 34 வல்லுநர்கள் குவைத் மற்றும் ஜோர்டான் நாடுகளுக்குப் பயணிக்கத் தயாராக இருப்பதாகவும், பல நாடுகளுடன் இது தொடர்பான பாதுகாப்பு ஒப்பந்தங்கள் கையெழுத்தாகியுள்ளதாகவும் அவர் தெரிவித்ததாக அல் ஜெசீரா செய்தி வெளியிட்டுள்ளது.

செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்

இச்செய்திக்கு பிரதான அனுசரணை

வீடியோ இங்கே