தங்கத்தின் விலையில் அதிரடி மாற்றம்!

அமெரிக்க டொலரின் மதிப்பு வலுவடைந்துள்ளதாலும், மசகு எண்ணெய் விலை உயர்வினாலும் சர்வதேச சந்தையில் தங்கத்தின் விலை வீழ்ச்சியை சந்தித்துள்ளதாக சர்வதேச ஊடகங்கள் செய்தி வெளியிட்டுள்ளன. இதன்படி ஸ்பொட் தங்கம் (Spot Gold) 1.2% சரிந்து 5,019 டொலராக பதிவாகியுள்ளது.

ஒட்டுமொத்தமாக மார்ச் 13 உடன் நிறைவடைந்த வாரத்தில் தங்கத்தின் விலை சுமார் 3% சரிவைக் கண்டுள்ளது. அமெரிக்க டொலரின் மதிப்பு உயர்ந்துள்ளதால், முதலீட்டாளர்கள் தங்கத்தின் மீதான முதலீடுகளைக் குறைத்துள்ளனர். உலகச் சந்தையில் மசகு எண்ணெய் விலை அதிகரித்துள்ளதால், வட்டி விகிதக் குறைப்புக்கான வாய்ப்புகள் குறைந்துள்ளன. இது தங்கத்தின் விலையில் அழுத்தத்தை ஏற்படுத்தியுள்ளது.

மேலும் ஜனவரி மாதத்தில் வேலைவாய்ப்பு நிலவரம் (JOLTs) எதிர்பார்த்ததை விட அதிகரித்து 6,946K ஆகப் பதிவாகியுள்ளது. இது அமெரிக்கப் பொருளாதாரம் வலுவாக இருப்பதைக் காட்டுகிறது. தற்போது தங்கம் 0.50% சரிவுடன் 4,992 டொலர் அளவில் வர்த்தகமாகி வருகிறது. குறுகிய காலத்தில் மசகு எண்ணெய் மற்றும் டொலரின் ஆதிக்கம் காரணமாகத் தங்கத்தின் விலை தொடர்ந்து அழுத்தத்திலேயே இருக்கும் என எதிர்பார்க்கப்படுகிறது.

செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்