ஆசிய அபிவிருத்தி வங்கியின் இலங்கைக்கான புதிய இயக்குநராக ஷானன் கோவ்லின் நியமனம்!

ஆசிய அபிவிருத்தி வங்கியின் இலங்கைக்கான புதிய இயக்குநராக  ஷானன் கோவ்லின் நியமிக்கப்பட்டுள்ளார். 

அவர் இன்று (09) கொழும்பில் தனது கடமைகளைப் பொறுப்பேற்றார். 

கோவ்லின், ஆசிய அபிவிருத்தி வங்கியில் 26 ஆண்டுகளுக்கும் மேலான தொழில்முறை அனுபவத்தைக் கொண்ட ஒரு அதிகாரியாவார். 

 எரிசக்தி, காலநிலை, சுற்றுச்சூழல், காற்றின் தரம், பொது சுகாதாரம் மற்றும் உணவு மற்றும் நீர் துறைகளில் முதலீட்டுத் திட்ட செயல்பாடுகள் மற்றும் கொள்கைப் பணிகளில் அவர் நிபுணத்துவம் பெற்றவர். 

 2023 முதல் ADB இன் மங்கோலியா வதிவிடப் பணியின் நாட்டு இயக்குநராகவும் பணியாற்றியுள்ளார். ADB-யில் சேருவதற்கு முன்பு, அவர் அமெரிக்காவில் உள்ள தேசிய புதுப்பிக்கத்தக்க எரிசக்தி ஆய்வகத்தில் மேலாளராக  பணியாற்றியமை குறிப்பிடத்தக்கது. 

இப்படியான செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்