தித்வா சூறாவளி - 103 குழந்தைகள் பெற்றோர் இன்றி தவிப்பு!

தித்வா சூறாவளி காரணமாக இலங்கையில் 103 குழந்தைகள் ஒரு தாய், தந்தை அல்லது இரு பெற்றோர்களையும் இழந்துள்ளதாக மகளிர் மற்றும் குழந்தைகள் நல அமைச்சர் சரோஜா சாவித்திரி பால்ராஜ் தெரிவித்தார். 

 பதுளை மாவட்ட செயலகத்தின் கேட்போர் கூடத்தில் நேற்று (6) நடைபெற்ற நிகழ்ச்சியின் போது அவர் இந்தக் கருத்துக்களை தெரிவித்தார். 

 ஜனாதிபதியின் அறிவுறுத்தலின் பேரில், இந்தக் குழந்தைகளின் பராமரிப்பு மற்றும் எதிர்கால பாதுகாப்பை உறுதி செய்வதற்காக ஒரு பிரத்யேக திட்டம் செயல்படுத்தப்பட்டு வருவதாக அமைச்சர் பால்ராஜ் கூறினார். 

 பெற்றோர் இல்லாத குழந்தைகளுக்குப் பொறுப்பேற்க பலர் விருப்பம் தெரிவித்துள்ளதாகவும்,  அவர் மேலும் கூறினார். 

 இதுபோன்ற அனைத்து ஏற்பாடுகளும் முறையான சட்ட நடைமுறைகளைப் பின்பற்றி நீதிமன்ற உத்தரவுகளுக்கு உட்பட்டு மேற்கொள்ளப்படும் என்று அமைச்சர் வலியுறுத்தினார்.