ட்ரம்ப் மீதான கொலை முயற்சி குற்றச்சாட்டுகளை நிராகரிக்கும் ஈரான்!

டொனால்ட் டிரம்பைக் கொல்லும் சதித்திட்டத்தில் ஈடுபட்டதாகவும், நாட்டில் தங்கியிருக்கும் இஸ்ரேலியர்களைக் குறிவைத்து தாக்குதல்களைத் திட்டமிட்டதாகவும் குற்றம் சாட்டப்பட்ட  ஃபர்ஹாத் ஷகேரிக்கு ஈரானின் வெளியுறவு அமைச்சகம் பதிலளித்துள்ளது. 

 இதன்படி, டொனால்ட் ட்ரம்பைக் கொல்லும் முயற்சியில் ஈரான் ஈடுபட்டுள்ளதாகக் கூறப்படும் குற்றச்சாட்டை வெளிவிவகார அமைச்சர் அப்பாஸ் ஆராச்சி நிராகரித்துள்ளதாகக் குறிப்பிடப்படுகிறது. 

 இரு நாடுகளுக்குமிடையில் எதிரெதிர் சித்தாந்தங்களைக் கொண்டு நம்பிக்கையை ஏற்படுத்துமாறு அமெரிக்காவிடம் கோரிக்கை விடுக்கப்படுவதாக ஈரான் வெளிவிவகார அமைச்சர்  தெரிவித்துள்ளார். 

 ஈரானிய வெளிவிவகார அமைச்சர் அப்பாஸ் அராச்சி தனது “x” கணக்கில் வெளியிட்டுள்ள செய்தியில் இவ்வாறு தெரிவித்துள்ளார். 

புதிய காட்சியை உருவாக்கி மூன்றாம் நிலை நகைச்சுவையை உருவாக்க சில தரப்பினர் முயற்சிப்பதாக அவர் குறிப்பிட்டுள்ளார். 

 அமெரிக்க மக்கள் தமது முடிவை எடுத்துள்ளதாக கூறியுள்ள ஈரான் வெளிவிவகார அமைச்சர், ஜனாதிபதியை தெரிவு செய்வதற்கான தற்போதைய உரிமையை தாம் மதிப்பதாகவும் குறிப்பிட்டுள்ளார்.

அத்துடன் ஈரான் அணுவாயுதத்தின் பின்னால் செல்லும் காலத்தில் இல்லை என்றும் நம்பிக்கையை கட்டியெழுப்புவது இரு தரப்புக்கும் இன்றியமையாத விடயம் எனவும் அது ஒற்றைப் பாதையல்ல எனவும் தெரிவித்துள்ளார். 

 ஈரானிய புரட்சிகர காவலர் படையை சேர்ந்த ஃபர்ஹாத் ஷகேரி, டொனால்ட் டிரம்பை கொல்லும் திட்டத்தை செயல்படுத்தியதாக அமெரிக்க நீதித்துறை சமீபத்தில் அறிவித்தது. இந்த நாட்டில் உள்ள இஸ்ரேலியர்களை இலக்கு வைத்து அறுகம்பே தாக்குதலை அவர் திட்டமிட்டுள்ளதாகவும் அமெரிக்க நீதித்துறை தெரிவித்துள்ளது. 

 பெரிய அளவிலான ஹெராயின் கடத்தல் தொடர்பாக ஷகேரி 2019 இல் இந்த நாட்டில் கைது செய்யப்பட்டார், மேலும் அவர் ஆப்கானிஸ்தான் நாட்டவர் என்றும் தற்போது ஈரானில் தங்கியிருப்பதாகவும் அமெரிக்க நீதித்துறை கூறியது.

இச்செய்திக்கு பிரதான அனுசரணை

வீடியோ இங்கே