கடன் மறுசீரமைப்பால் மக்களுக்கு கிடைக்கும் முக்கிய நன்மை : நிதி இராஜாங்க அமைச்சர் உறுதி!

கடன் மறுசீரமைப்பை நிறைவு செய்வதற்கு தேவையான மூன்று பிரதான கட்டங்களில் இரண்டு பூர்த்தி செய்யப்பட்டுள்ளதாக நிதி இராஜாங்க அமைச்சர் ஷெஹான் சேமசிங்க தெரிவித்துள்ளார்.  

மீதமுள்ள மற்ற கட்டமாக, தனியார் பத்திரதாரர்களுடன் ஒப்பந்தம் செய்து கொள்ள நடவடிக்கை எடுக்கப்பட்டு வருகிறது எனவும் அவர் கூறியுள்ளார். 

கடன் மறுசீரமைப்பு மூலம், கடனை திருப்பி செலுத்தும் காலம் தோராயமாக 2043 வரை நீட்டிக்கப்படும் என இராஜாங்க அமைச்சர் மேலும் தெரிவித்தார். "

இது தொடர்பில் மேலும் கருத்து வெளியிட்டுள்ள அவர், பொருளாதாரத்தை மீட்டெடுப்பதில் கடன் மறுசீரமைப்பு மிகவும் முக்கியமானது. 

இதற்காக நாட்டு மக்கள் பல தியாகங்களைச் செய்தனர். ஜனாதிபதி வழங்கிய தலைமை இந்த நாட்டின் பொருளாதாரத்தில் நம்பிக்கையை மீட்டெடுக்க முடிந்தது. இங்கு முக்கியமானது கடன் மறுசீரமைப்பை முடிக்கவும், முக்கியமாக, உள்நாட்டு கடன் தேர்வுத்திட்டத்தை நாங்கள் நிறைவு செய்துள்ளோம்.

 பொருளாதாரம் நிலையானதாக இருக்கும் மற்றும் முன்னேறும் என்ற நம்பிக்கையில் இந்த மறுசீரமைப்பை முன்னெடுத்துச் செல்ல வேண்டும். கடன் மறுசீரமைப்பு மூலம் திருப்பிச் செலுத்தும் காலத்தை நீட்டிக்க நம்புகிறோம். தோராயமாக 2043 வரை நீட்டிப்பு செய்யப்படுகிறது. 

மேலும் வட்டி விகிதங்கள் குறையும். இதுபற்றி புரியாமல் அறிக்கை விடுபவர்கள், இந்தக் கடனை தள்ளுபடி செய்ய நாங்கள் உடன்பாடு எட்டவில்லை என்று அடிக்கடி கூற முயல்கின்றனர். இது கடன் மறுசீரமைப்பு பற்றிய புரிதல் இல்லாதது” எனத் தெரிவித்தார்.