நாரம்மல துப்பாக்கிச்சூட்டு சம்பவம் : பொலிஸ் உத்தியோகத்தர் இருவர் பணியிடை நீக்கம்!

நாரம்மல பகுதியில் நபர் ஒருவர் சுட்டுக்கொல்லப்பட்ட சம்பவத்துடன் தொடர்புடைய சப்-இன்ஸ்பெக்டர் மற்றும் பொலிஸ் கான்ஸ்டபிள் பணி இடைநீக்கம் செய்யப்பட்டுள்ளதாக அறிவிக்கப்பட்டுள்ளது. 

குறித்த இருவரும் நேற்று முதல் அமுலுக்கு வரும் வகையில் பணியிடை நீக்கம் செய்யப்பட்டுள்ளதாக  பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவா தெரிவித்தார்.  

உத்தரவை மீறி ஓட்டிச் சென்ற லாரியை துரத்திச் சென்று நிறுத்தியபோது, ​​சப்-இன்ஸ்பெக்டரின் துப்பாக்கி வெடித்துச் சிதறியதில் லாரி ஓட்டுநர் சுட்டுக் கொல்லப்பட்டமை குறிப்பிடத்தக்கது. 

இது தொடர்பாக, சப்-இன்ஸ்பெக்டர் கைது செய்யப்பட்டு, நாரம்மல நீதவான் நீதிமன்றத்தில் ஆஜர்படுத்தப்பட்டதை அடுத்து, வரும் 23ம் திகதிவரை விளக்கமறியலில் வைக்கப்பட்டார்.