முன்னாள் தொழில் பங்குதாரர்கள் மீது கிரிமினல் வழக்கு தொடர்ந்த தோனி

இந்திய அணியின் முன்னாள் கேப்டன் மகேந்திர சிங் தோனி, ஒரு விளையாட்டு நிறுவனத்தில் தனது முன்னாள் தொழில் பங்குதாரர்கள், ஒப்பந்தத்தை மதிக்காமல் ₹ 15 கோடிக்கு மேல் மோசடி செய்ததாகக் கூறி கிரிமினல் புகார் ஒன்றைத் தாக்கல் செய்துள்ளார் என்று அவரது வழக்கறிஞர் தெரிவித்தார்.

ஆர்கா ஸ்போர்ட்ஸ் அண்ட் மேனேஜ்மென்ட் லிமிடெட் நிறுவனத்தைச் சேர்ந்த மிஹிர் திவாகர் மற்றும் சௌமியா விஸ்வாஸ் ஆகியோர் மீது ராஞ்சி நீதிமன்றத்தில் 2017ஆம் ஆண்டு வணிக ஒப்பந்தம் தொடர்பாக புகார் அளிக்கப்பட்டுள்ளது.

கிரிக்கெட் வீரரின் பெயரில் இந்தியாவிலும் வெளிநாட்டிலும் கிரிக்கெட் அகாடமிகளை திறப்பதற்காக திரு திவாகர் 2017 இல் தோனியுடன் ஒப்பந்தம் செய்ததாக கூறப்படுகிறது. ஆனால், புகாரின்படி, ஒப்பந்தத்தில் குறிப்பிடப்பட்டுள்ள நிபந்தனைகளை அவர் கடைபிடிக்கவில்லை என கூறப்படுகிறது.

ஆர்கா ஸ்போர்ட்ஸ் உரிமைக் கட்டணத்தைச் செலுத்தி, ஒப்பந்தத்தில் குறிப்பிடப்பட்டுள்ள விகிதத்தில் லாபத்தைப் பகிர்ந்து கொள்ள வேண்டும், ஆனால் அனைத்து விதிமுறைகளும் நிபந்தனைகளும் மீறப்பட்டன என்று தெரிவிக்கப்பட்டுள்ளது.

தோனியின் பெயரில் கிரிக்கெட் அகாடமிகள் மற்றும் விளையாட்டு வளாகங்களை அவருடன் எந்தத் தொகையையும் அல்லது தகவலையும் பகிர்ந்து கொள்ளாமல் தொடர்ந்து அமைத்ததாக அவரது வழக்கறிஞர் தயானந்த் சிங் தெரிவித்தார்.

 நிறுவனம் ஒப்பந்த விதிமுறைகளை மீறியதாகவும், இதனால் தனக்கு ₹ 15 கோடிக்கு மேல் இழப்பு ஏற்பட்டதாகவும் தோனி தனது வழக்கறிஞர் மூலம் கூறியுள்ளார்.

இச்செய்திக்கு பிரதான அனுசரணை

வீடியோ இங்கே