காசாவின் எதிர்காலம் குறித்து அரபு நாடுகளுடன் கலந்துரையாடப்படும் - இஸ்ரேல்!

ஹமாஸ் பயங்கரவாத அமைப்பை ஒழிக்கும் பணியில் இஸ்ரேல் வெற்றி பெற்ற பிறகு, காசாவின் எதிர்காலம் குறித்து அரபு நாடுகளுடன் பேச்சுவார்த்தை நடத்தப்படும்  என ஐக்கிய நாடுகள் சபைக்கான இஸ்ரேல் தூதர் தெரிவித்துள்ளார்.  

சர்வதேச அமைப்பிற்கான இஸ்ரேலிய தூதுவர், ஹமாஸுக்குப் பிந்தைய காசாவை நிர்வகிப்பது குறித்து அரபு நாடுகளுடன் உரையாடல்கள் தொடங்கவில்லை, ஆனால் இதற்கான வாய்ப்புகள் இருப்பதாக தெரிவித்துள்ளார். 

சவூதி அரேபியா மற்றும் வளைகுடா நாடுகள் இஸ்ரேலுடன் இணைந்து காசாவை நிர்வகிக்கும் ஒரு இடைக்கால தீர்வு பற்றி ஐக்கிய நாடுகளுக்கான இஸ்ரேலிய தூதரிடம் கேட்கப்பட்டபோதே அவர் இவ்வாறு கூறியுள்ளார். 

இதன்போது மேலும் கருத்து வெளியிட்ட அவர், நீங்கள் குறிப்பிட்ட பல அரபு நாடுகளில் ஹமாஸ் அவர்களின் எதிரி என்பதை நான் உறுதியாக நம்புகிறேன், அது நமது எதிரி என்பதை விடக் குறைவானதல்ல, ஏனெனில் அது முஸ்லிம் சகோதரத்துவத்தின் துணை நிறுவனம் போன்றது" என்று எர்டன் கூறினார்.

 "பல மிதவாத முஸ்லிம் நாடுகளுக்கு அவர்கள் எதிரிகள் என்றும் இடைக்கால அடிப்படையில் கூட காசா மீதான பாதுகாப்புக் கட்டுப்பாட்டை ஐக்கிய நாடுகள் சபையின் கீழ் கொண்டுவரும் சர்வதேசப் படையை இஸ்ரேல் ஏற்காது என்றும் அவர் மேலும் குறிப்பிட்டார். 

இச்செய்திக்கு பிரதான அனுசரணை

வீடியோ இங்கே