அழுகிய மரங்கள் தொடர்பில் கொழும்பு மாநகர சபைக்கு 60 முறைப்பாடுகள்

கொழும்பு மாநகர சபைக்குட்பட்ட 150 வருடங்கள் பழமையான பாழடைந்த மரங்களை அகற்றுவது தொடர்பில் எதிர்வரும் 23ஆம் திகதிக்குள் இறுதித் தீர்மானம் எடுப்பதற்கு பல்கலைக்கழக ஆலோசகரின் உதவியை பெற்றுக்கொள்ள திட்டமிடப்பட்டுள்ளதாக கொழும்பு மாநகர ஆணையாளர் திருமதி பத்ராணி ஜயவர்தன தெரிவித்துள்ளார்.

 நேற்று முன்தினம் (14ம் திகதி) மாநகர சபை கேட்போர் கூடத்தில் அழுகிய மரங்களை அகற்றுவது தொடர்பான கலந்துரையாடலில் மாநகர ஆணையாளர் இவ்வாறு கூறினார்.

 இந்த மரங்களில் கடந்த 10ம் திகதி அறிவியல் ஆய்வும் நடத்தப்பட்டது.

 மேலும், பல்கலைக்கழக ஆலோசகர் பணி ஆதரவை பெற வன காப்பீடு மற்றும் சுற்றுச்சூழல் குழு அதிகாரிகளுடன் கலந்து பேசி முடிவு செய்யப்பட்டது.

 அதற்காக பல்கலைக்கழக மானியங்கள் ஆணைக்குழுவின் தலைவரிடம் எழுத்து மூலமான கோரிக்கையுடன் பல்கலைக்கழகங்களில் உள்ள தாவரங்கள் குறித்த அறிவுள்ள நிபுணர்கள் குழுவை வரவழைக்க மாநகர ஆணையாளர் தீர்மானித்துள்ளார்.

 நேற்று முன்தினம் (14ஆம் திகதி) கொழும்பு பல்கலைக்கழக சுற்றுவட்டம், கொள்ளுப்பிட்டி, பம்பலப்பிட்டி, நாரஹென்பிட்டி, மொரட்டுவ போன்ற இடங்களில் ஆபத்தில் உள்ள மரங்கள் மற்றும் தற்போது அழுகும் மரங்கள் தொடர்பில் 60 முறைப்பாடுகள் கொழும்பு மாநகர சபைக்கு கிடைத்துள்ளதாக மாநகர ஆணையாளர் தெரிவித்துள்ளார்.