சர்வதேச நாணய நிதியத்தின் முதலாவது மீளாய்வு இன்று! ஷெஹான் சேமசிங்க

சர்வதேச நாணய நிதியத்தின் விரிவாக்கப்பட்ட கடன் வசதியின் கீழ் முதலாவது மீளாய்வு இன்று ஆரம்பமாகும் என நிதி இராஜாங்க அமைச்சர் ஷெஹான் சேமசிங்க தெரிவித்துள்ளார்.

 இந்த மீளாய்வு இரண்டாவது தவணையைப் பாதுகாப்பதற்கும் இலங்கையின் பொருளாதார ஸ்திரத்தன்மையில் நம்பிக்கையை அதிகரிப்பதற்கும் மிக முக்கியமான மைல்கல் என்று அவர் குறிப்பிட்டார்.

 சர்வதேச நாணய நிதியத்தின் விரிவாக்கப்பட்ட கடன் வசதியின் கீழ் முதலாவது மீளாய்வை வெற்றிகரமாக முடிப்பது இலங்கையை பொருளாதார ஸ்திரத்தன்மைக்கு வலுவான நிலையில் வைக்கும் என்றும் இராஜாங்க அமைச்சர் கூறினார்.

 2024ல் எதிர்பார்க்கப்படும் பொருளாதார வளர்ச்சிக்கு இது ஒரு நல்ல பாதையை அமைக்கும் என்று அவர் மேலும் கூறுகிறார்.

 இதேவேளை, சர்வதேச நாணய நிதியத்தின் விரிவான கடன் திட்டத்தின் முதலாவது மதிப்பீடு இன்று முதல் எதிர்வரும் 24ஆம் திகதி வரை மேற்கொள்ளப்படவுள்ளது.

 அதன்படி, கடன் திட்டத்தின் முன்னேற்றம் குறித்து ஆராய்வதற்காக ஷபாட் பிரதிநிதிகள் குழுவொன்று இன்று இலங்கைக்கு விஜயம் செய்யவுள்ளதுடன், அங்கு பல சுற்று பேச்சுவார்த்தைகள் நடத்தப்படவுள்ளன.

 சர்வதேச நாணய நிதியத்திடமிருந்து நீடிக்கப்பட்டுள்ள கடனின் முதல் தவணை தொடர்பில் செய்ய வேண்டிய பெரும்பாலான விடயங்களை இலங்கை ஏற்கனவே பூர்த்தி செய்துள்ளதாக பொருளாதார ஆய்வாளர்கள் தெரிவிக்கின்றனர்.

இச்செய்திக்கு பிரதான அனுசரணை

வீடியோ இங்கே