சீனாவுக்காக உளவு பார்த்த பிரித்தானிய நாடாளுமன்ற ஆய்வாளர் கைது

சீனாவுக்காக உளவு பார்த்த பிரித்தானிய நாடாளுமன்ற ஆய்வாளர் கைது செய்யப்பட்டுள்ளார். 

 இந்த உளவாளி பிரித்தானியாவின் ஆளும் கட்சியான கன்சர்வேட்டிவ் கட்சியை பிரதிநிதித்துவப்படுத்தும் பல பாராளுமன்ற உறுப்பினர்களுடன் தொடர்பு வைத்திருப்பதாக தகவல் வெளியாகியுள்ளது. 

 அந்த அரசியல் தலைவர்களில் பிரிட்டிஷ் பாதுகாப்பு மந்திரி டாம் டுகெண்டாட் மற்றும் வெளியுறவுக் குழுத் தலைவர் அலிசியா கியர்ன்ஸ் ஆகியோர் அடங்குவர். 

 மேலும், அந்த உளவாளியுடன் தொடர்பு வைத்திருந்த மேலும் சில பிரபலங்கள் வெளிவருவதாக வெளிநாட்டு ஊடகங்கள் தெரிவித்துள்ளன. 

 குறித்த தகவலறிந்தவர் லண்டன் பொலிஸாரினால் கைது செய்யப்பட்டுள்ளதுடன் அவருக்கு ஆதரவளித்த மற்றுமொரு நபரும் பொலிஸாரால் கைது செய்யப்பட்டுள்ளார்.

 பிரித்தானிய உத்தியோகபூர்வ இரகசிய சட்டத்தின் கீழ் இவர்கள் கைது செய்யப்பட்டுள்ளதாக பிரித்தானிய அதிகாரிகள் தெரிவித்துள்ளனர். 

 கைது செய்யப்பட்ட உளவாளியும் மற்றைய சந்தேக நபரும் 30 வயது மற்றும் 20 வயதுடையவர்கள் எனவும் வெளிநாட்டு ஊடகங்கள் செய்தி வெளியிட்டுள்ளன. 

 பிரித்தானிய பிரதமர் ரிஷி சுனக்கும் இவ்விடயம் தொடர்பில் கவனம் செலுத்தியுள்ளார்.

 இந்தியாவில் ஜி 20 மாநாட்டுடன், அவர் சீனப் பிரதமர் லி குவானையும் சந்தித்தார், அங்கு அவர் இந்த உளவு சம்பவம் குறித்தும் கவனம் செலுத்தினார். 

 அங்கு, நாடாளுமன்ற ஜனநாயகத்தில் சீனாவின் தலையீடு குறித்து தாம் மிகுந்த கவலையடைவதாக பிரித்தானிய பிரதமர் தெரிவித்துள்ளார்.