கானுன் புயல் எதிரொலி: 500 விமான சேவைகள் ரத்து

ஜப்பான் நாட்டின் தெற்கு பகுதியில் கானுன் என்ற புதிய புயல் உருவானது. புயல் கடல் நோக்கி நகர்ந்து ஒகினாவா மற்றும் அமாமி பகுதியில் கரையை கடந்தது. இதன்போது, ​​காற்றின் வேகம் மணிக்கு 198 கிலோ மீட்டர் வேகம் வரையில் வீசக்கூடும் என நாட்டின் வானிலை ஆய்வு மையம் எச்சரிக்கை விடுக்கப்பட்டிருந்தது.

இந்நிலையில், நேற்று முன்தினம், கானுன் புயல் முன்னெச்சரிக்கை நடவடிக்கையாக, 264 விமானங்கள் ரத்து செய்யப்பட்டதோடு, நேற்று 500-க்கும் அதிகமான உள்நாட்டு மற்றும் சர்வதேச விமானங்கள் ரத்து செய்யப்பட்டன. இதனால் உள்நாடு மற்றும் வெளிநாடுகளுக்கு செல்ல வேண்டிய பயணிகள் கடுமையான பாதிப்புக்குள்ளாகினர்.

தற்போது, ​​சூறாவளி கானுன் "மிகவும் வலுவான" நிலையில் உள்ளது. மையத்தில் அழுத்தம் 935 ஹெக்டோபாஸ்கல்களை எட்டியுள்ளது, மேலும் வினாடிக்கு 150 முதல் 210 அடி வரை காற்றின் வேகம் தெரிவிக்கப்பட்டுள்ளது..