'கிங் ஆஃப் கோதா' படக்குழு முதல் பாடலை நாளை வெளியிட உள்ளது

இயக்குனர் அபிலாஷ் ஜோஷி இயக்கத்தில் துல்கர் சல்மான் நடிப்பில் உருவாகியுள்ள படம் ‘கிங் ஆஃப் கோதா’. இது ஜீ ஸ்டுடியோஸ் மற்றும் வேஃபேரர் ஃபிலிம்ஸ் இணைந்து தயாரிக்கிறது. இப்படத்திற்கு நிமிஷ் ரவி ஒளிப்பதிவு செய்கிறார், ஜேக்ஸ் பிஜோய் மற்றும் ஷான் ரஹ்மான் இசையமைத்துள்ளனர்.

துல்கர் சல்மானின் 11 ஆண்டுகால திரையுலக வாழ்க்கையைச் சிறப்பிக்கும் வகையில் 'கிங் ஆஃப் கோதா' திரைப்படம் இந்த ஆண்டு ஓணம் அன்று திரையரங்குகளில் வெளியாகும் என அறிவிக்கப்பட்டுள்ளது. சமீபத்தில் 'கிங் ஆஃப் கோதா' டீசரை படக்குழு வெளியிட்டிருந்தது.

இந்நிலையில், 'கிங் ஆஃப் கோதா' படத்தின் முதல் பாடல் வெளியாகும் அறிவிப்பு வெளியாகியுள்ளது. இந்நிலையில் படத்தின் முதல் பாடல் நாளை (ஜூன் 28) வெளியாகும் என படக்குழுவினர் போஸ்டரை வெளியிட்டுள்ளனர்.