'ஜவான்' திரைப்படத்தின் முன்னோட்ட வீடியோவை படக்குழு வெளியிட்டுள்ளது

தமிழ் திரையுலகில் முன்னணி இயக்குனராக வலம் வரும் அட்லீ தற்போது இயக்கியுள்ள திரைப்படம் 'ஜவான்'. இப்படத்தில் ஷாருக்கான் கதாநாயகனாக நடித்துள்ளார்.விஜய் சேதுபதி வில்லனாக நடிக்கிறார். மேலும், கதாநாயகியாக நயன்தாரா நடிக்கிறார்.

யோகி பாபு, தீபிகா படுகோனே, பிரியாமணி மற்றும் பலர் இப்படத்தில் நடித்துள்ளனர். இப்படத்தின் மூலம் பாலிவுட் பட உலகில் அனிருத் இசையமைப்பாளராக அறிமுகமாகியுள்ளார். 'ஜவான்' திரைப்படம் செப்டம்பர் 7ஆம் தேதி இந்தியா முழுவதும் திரையரங்குகளில் வெளியாகவுள்ளது.

இந்த நிலையில் ‘ஜவான்’ படத்தின் முன்னோட்ட வீடியோவை படக்குழுவினர் வெளியிட்டுள்ளனர். அதில், இது வெறும் ஆரம்பம்.. இனிமே தான் ஆட்டமே.. போன்ற மாஸான வசனங்கள் இடம்பெற்று ரசிகர்களை கவர்ந்து வருகிறது. தற்போது இந்த வீடியோவை ரசிகர்கள் சமூக வலைதளங்களில் வைரலாக்கி வருகின்றனர்.