கோடீஸ்வர வர்த்தகரின் வீட்டில் கொள்ளையடித்த மூவர் கைது

கோடீஸ்வர வர்த்தகர் ஒருவரின் வீட்டிற்குள் புகுந்து ஒன்றரை கோடி ரூபா பெறுமதியான தங்கப் பொருட்கள் மற்றும் வெளிநாட்டு நாணயங்களை திருடிச் சென்ற மூவர் சந்தேகத்தின் பேரில் கைது செய்யப்பட்டுள்ளனர்.

பொரளையில் உள்ள வீடொன்றிலேயே திருட்டுச் சம்பவம் இடம்பெற்றுள்ளது. இச்சம்பவம் தொடர்பாக ‘கபரா சுரேஷ்’ என்ற நபர் உட்பட 3 பேர் கைது செய்யப்பட்டுள்ளனர்.

சந்தேகநபர்களிடம் இருந்து சுமார் 6 கிராம் ஹெரோயின் போதைப்பொருளும் பொலிஸாரால் கைப்பற்றப்பட்டுள்ளது.

சந்தேக நபர்களில் ‘பாபா’ என்ற பெண்ணும் அடங்குவதாக பொலிஸார் தெரிவிக்கின்றனர்.

சந்தேகநபர்களிடம் நடத்திய விசாரணையில், இரண்டு தங்க நெக்லஸ்கள், இரண்டு மோதிரங்கள், இரண்டு பென்டன்ட்கள் மற்றும் உருகிய 22 கரட் 22 கிராம் தங்க கட்டி, 18 கரட் 15 கிராம் தங்க கட்டிகள், 50 பவுன் ஸ்ரேலிங் 17 நோட்டுகள், 100 டாலர் நோட்டுகள் 05 திருடப்பட்ட சொத்துக்களில் கண்டுபிடிக்கப்பட்டு, பறிமுதல் செய்யப்பட்டன.

கடந்த வருடம் டிசம்பர் மாதம் 10 ஆம் திகதி பொரளை கோடீஸ்வர வர்த்தகரின் வீட்டிற்குள் புகுந்த 'கபர சுரேஷ்' என்ற சந்தேக நபர், பாபா என்ற பெண்ணிடம் தங்கத்தையும் பணத்தையும் கொடுத்துள்ளார்.

சந்தேகநபர் ராகம, ஏகல, களனி மற்றும் பெட்டகொடோவ பிரதேசங்களில் தங்கப் பொருட்களை அடகு வைத்து வெளிநாட்டு நாணயங்களை வெளிநாட்டவர்களுக்கு போதைப்பொருள் வழங்கும் 'கைட்' என்ற நபருக்கு மாற்றியுள்ளதாக தகவல்கள் வெளியாகியுள்ளன.

கொழும்பு குற்றத்தடுப்பு பிரிவின் ஒழுங்கமைக்கப்பட்ட குற்றத்தடுப்பு பிரிவின் பொலிஸ் பரிசோதகர் பண்டார மற்றும் மதுரங்க ஆகியோருக்கு கிடைத்த தகவலுக்கு அமைய கிருலப்பனை மற்றும் கொழும்பு பிரதேசங்களில் வைத்து சந்தேகநபர்கள் கைது செய்யப்பட்டுள்ளனர்.

கிருலப்பனை பகுதியைச் சேர்ந்த கபர சுரேஷ் என்பவர் பல திருட்டுச் சம்பவங்களில் ஈடுபட்டு 10 வருடங்கள் சிறைத்தண்டனை அனுபவித்து ஆகஸ்ட் 22ஆம் திகதி பிணையில் விடுவிக்கப்பட்டதாகவும், டிசம்பர் 10ஆம் திகதி விசாரணையின் போது அவர் வீடுகளை உடைத்தமை தெரியவந்ததாகவும் பொலிஸார் தெரிவிக்கின்றனர்.

கைது செய்யப்பட்ட சந்தேகநபர்கள் இருவரும் மாளிகாகந்த நீதிமன்றில் ஆஜர்படுத்தப்பட்டதன் பின்னர் நீண்ட நேரம் விளக்கமறியலில் வைக்கப்பட்டு ஏழு நாட்கள் விளக்கமறியலில் வைக்கப்படவுள்ளதாக பொலிஸார் தெரிவித்தனர்.