குறைந்த வருமானம் பெறும் மக்களுக்கு வழங்கப்படும் நிவாரணம் அதிகரிக்க முடிவு - பிரதமர் தினேஷ் குணவர்தன

குறைந்த வருமானம் பெறும் மக்களுக்கு வழங்கப்படும் நிவாரணம் ஜூலை மாதத்தில் மேலும் அதிகரிக்கப்படும் என பிரதமர் தினேஷ் குணவர்தன தெரிவித்திருந்தார். தேர்தலில் போட்டியிடும் அரச உத்தியோகத்தர்கள் வாக்களிக்கக் கோரும் தொகுதிக்கு அருகாமையில் உள்ள தொகுதியில் பணிபுரியுமாறு அடுத்த வாரம் தீர்மானம் எடுக்கப்படும் எனவும் தெரிவிக்கப்பட்டுள்ளது. 

 கடந்த 12 மாதங்களில் அரச சேவையில் இருந்து எவரும் பணி நீக்கம் செய்யப்படவில்லை என்றும், சம்பளம் அல்லது ஓய்வூதியம் நிறுத்தப்படவில்லை என்றும் பிரதமர் குறிப்பிட்டார். நம் நாட்டு விவசாயிகள் மீது நம்பிக்கை வைத்து நாட்டை தன்னிறைவு அடையச் செய்யும் நடவடிக்கைக்கு உறுதுணையாக இருக்க வேண்டும் என்றார்.

 இலங்கைக்கான சர்வதேச நாணய நிதியத்தின் விரிவான நிதியளிப்பு வசதி விவாதத்தில் கலந்துகொண்டு உரையாற்றும் போதே பிரதமர் தினேஷ் குணவர்தன இந்த உண்மைகளை முன்வைத்தார்.

 புள்ளிவிபரங்களை முன்வைத்த பிரதமர், சுற்றுலாத் துறையிலும் வெளிநாட்டுப் பணம் அனுப்புதலிலும் முன்னேற்றம் ஏற்பட்டுள்ளதாகக் குறிப்பிட்டதுடன், வரி வருமானமும் இரட்டிப்பாகியுள்ளதாகத் தெரிவித்தார். அரசியலில் முன்னோக்கு அறிக்கைகளை விட பாராளுமன்றத்தில் வெளியிடப்படும் அறிக்கைகள் பற்றி சிந்திக்க வேண்டும் என்று அவர் கேட்டுக்கொண்டார்.