தென்னிலங்கை நிறுவனங்களால் சுரண்டப்படும் தமிழருடைய பழமைகள்!

முல்லைத்தீவு  ஒட்டிசுட்டான் பிரதேசத்தில் உள்ள "வாவெட்டி /கொடிவெட்டி  " மலை பிரதேசத்தில் கருங்கற்கள் எடுக்கப்பட்டு தென்னிலங்கைக்கு  ஏற்றுமதி செய்யப்படுவதாக தெரியவந்துள்ளது.      

குறித்த  மலை பிரதேசம்  வன்னியை ஆண்ட  இறுதி மன்னன் "பண்டாரவன்னியன்" வரலாறுடன் பின்னிப்பிணைந்தது. 

அங்கு பழமைவாய்ந்த ஒரு சிறிய இந்து ஆலயமும் உண்டு. அந்த மலைத்தொடர்களை அழித்து - நிலத்தை பிளந்து கருங்கற்கள் எடுக்கப்பட்டு தென்னிலங்கைக்கு ஏற்றுமதி  செய்யப்படுகிறது.

தென்னிலங்கை நிறுவனம் ஒன்றே இதனை செய்வதாக அங்குள்ளவர்கள் தெரிவிக்கின்றனர். இதை தடுத்து நிறுத்த  உரியவர்கள் நடவடிக்கை எடுக்க வேண்டும் என அங்குள்ள மக்கள் தெரிவிகின்றனர்.