வாட்ஸ்அப் மூலம் காதலிக்கு படம் அனுப்பி காதலன் தற்கொலை

தனியார் பல்கலைக்கழக மாணவன் ஒருவரின் சடலம் அவர் தங்கியிருந்த அறையில் மின்விசிறியில் தூக்கில் தொங்கிய நிலையில் சடலமாக காணப்பட்டதாகவும், போர்வையை கழுத்தில் சுற்றிய புகைப்படத்தை காதலியின் கைத்தொலைபேசிக்கு அனுப்பி வைத்துள்ளதாகவும் மஹரகம பொலிஸார் தெரிவித்துள்ளனர்.

உயிரிழந்தவர் கிரிவத்துடுவ பிரதேசத்தில் வசிக்கும் 22 வயதுடைய மாணவர் என தெரிவிக்கப்படுகிறது.

பொரளையில் உள்ள தனியார் பல்கலைக்கழகமொன்றில் கல்வி கற்கும் உயிரிழந்த மாணவன், யுவதி  ஒருவருடன் தொடர்பில் இருந்துள்ளார்.

சில காரணங்களுக்காக அதனை  யுவதி நிறுத்தியுள்ளதாக பொலிஸாரின் விசாரணைகளில் தெரியவந்துள்ளது.

உயிரிழந்த மாணவனின் தந்தை பன்னிபிட்டிய பிரகதி மாவத்தையில் உள்ள தனது நண்பரின் வீட்டில் பல்கலைக்கழகத்திற்கு செல்வதற்கு வசதியாக மாணவிக்கு தங்குமிட வசதி செய்து கொடுத்துள்ளார்.

வீட்டின் அறையொன்றில் இந்தச் சம்பவம் இடம்பெற்றுள்ளதாக பொலிஸார் தெரிவித்தனர்.

மாணவன் இறப்பதற்கு சற்று முன், கழுத்தில் துணியைச் சுற்றிய போட்டோவை காதலிக்கு வாட்ஸ்அப் தொழில்நுட்பம் மூலம் அனுப்பி, தான் இறந்து போவதாக பல குறுஞ்செய்திகளை அனுப்பியிருப்பது பொலிஸ் விசாரணையில் தெரியவந்துள்ளது.

இதனடிப்படையில் மாணவனின் பெற்றோருக்கு தெரியப்படுத்த நடவடிக்கை எடுத்ததையடுத்து, மாணவனின் தந்தை மற்றும் உறவினர்கள் வந்து அவர் தங்கியிருந்த வீட்டின் கதவை உடைத்து பார்த்த போது, ​​மின்விசிறியில் தூக்கில் தொங்கிய நிலையில்  சடலம் மீட்கப்பட்டு ஹோமாகமவில் அனுமதிக்கப்பட்டுள்ளதாக பொலிஸார் தெரிவித்தனர். 

மாணவனின் பிரேத பரிசோதனை ஹோமாகம ஆதார வைத்தியசாலையில் நடைபெறவுள்ளதுடன், மஹரகம பொலிஸார் விசாரணைகளை மேற்கொண்டு வருகின்றனர்.