இலங்கையில் நிர்மாணத்துறையில் ஏற்பட்டுள்ள பிரச்சினைகளை மறுசீரமைக்க நடவடிக்கை!

தேசிய பாதுகாப்பு தொடர்பான ஜனாதிபதியின் சிரேஷ்ட ஆலோசகரும், ஜனாதிபதியின் தலைமை அதிகாரியுமான  சாகல ரத்நாயக்க தலைமையில் நிர்மாணத் தொழில் மறுசீரமைப்புக் குழு ஜனாதிபதி அலுவலகத்தில் கூடியது.

தற்போதைய பொருளாதார நெருக்கடியை கருத்திற்கொண்டு, இலங்கையில் நிர்மாணத்துறையில் ஏற்பட்டுள்ள பிரச்சினைகளை இனங்கண்டு அவற்றுக்கான தீர்வுகளை வழங்குவது தொடர்பில் இந்த குழு கையாள்கிறது.

இலங்கையின் நிர்மாணத்துறையின் பிரச்சினைகளை முறையாகத் தீர்த்து, அதனை புத்துயிர் பெறுவதற்கு முயற்சிகள் மேற்கொள்ளப்பட வேண்டுமென  சாகல ரத்நாயக்க சுட்டிக்காட்டினார்.

நிர்மாணத்துறை  புத்துயிர் குழுவின் கீழ் நிறுவப்படவுள்ள உத்தேச செயற்குழுவின் மூலம் நிர்மாணத்துறைக்கு புத்துயிர் அளிக்க வேண்டும் எனவும்  சாகல ரத்நாயக்க சுட்டிக்காட்டினார்.

ஜனாதிபதி அலுவலகம், நிதியமைச்சு, நகர அபிவிருத்தி அதிகார சபை, இலங்கை அபிவிருத்தி நிர்வாகம் (SLIDA), நீர்ப்பாசனத் திணைக்களம், நீர் வழங்கல் மற்றும் நீர் போக்குவரத்துச் சபை, போக்குவரத்து மற்றும் போக்குவரத்து அமைச்சு ஆகியவற்றின் பிரதிநிதிகளைக் கொண்ட செயற்குழு அமைக்கப்பட வேண்டும் என்றும் இக் கலந்துரையாடலில் முன்மொழியப்பட்டது.