பலத்த காற்று மற்றும் கடல் சீற்றம் ஏற்படும் என வளிமண்டலவியல் திணைக்களம் எச்சரிக்கை

மறு அறிவித்தல் வரை காலி முதல் ஹம்பாந்தோட்டை வரை பொத்துவில் வரையான கடற்பரப்புகளில் மீன்பிடி மற்றும் கப்பல் போக்குவரத்தில் ஈடுபட வேண்டாம் என வளிமண்டலவியல் திணைக்களம் தெரிவித்துள்ளது.

அத்திணைக்களம் விடுத்துள்ள அறிக்கையில், 

மேல், சப்ரகமுவ மற்றும் வடமேல் மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களிலும் அவ்வப்போது மழை பெய்யும். சப்ரகமுவ மாகாணத்தில் சில இடங்களில் மி.மீ. 50 வரை பலத்த மழை பெய்ய வாய்ப்புள்ளது.

ஊவா மற்றும் கிழக்கு மாகாணங்களில் மாலை அல்லது இரவு வேளைகளில் மழை அல்லது இடியுடன் கூடிய மழை பெய்யும்.

புத்தளத்திலிருந்து கொழும்பு ஊடாக மாத்தறை வரையான கடற்பகுதிகளில் அவ்வப்போது மழை பெய்யும்.

தீவைச் சூழவுள்ள கடற்பரப்புகளில் தென்மேற்கு திசையிலிருந்து காற்று வீசும். காற்றின் வேகம் மணிக்கு kmph (20-40) சுற்றி உள்ளது. புத்தளத்திலிருந்து கொழும்பு ஊடாக காலி வரையான கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 100 கிலோ மீற்றர் வேகத்தில் வீசும். இது 50 வரை அதிகரிக்கலாம் என்பதுடன், காலி முதல் ஹம்பாந்தோட்டை வரையான பொத்துவில் வரையான கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 100 கிலோ மீற்றர் வேகத்தில் வீசக்கூடும். 

புத்தளத்திலிருந்து கொழும்பு ஊடாக காலி வரையான கடற்பரப்பு அவ்வப்போது கொந்தளிப்பாகவும், காலியில் இருந்து ஹம்பாந்தோட்டை ஊடாக பொத்துவில் வரையான கடற்பரப்புகள் அவ்வப்போது கொந்தளிப்பாகவும் அவ்வப்போது மிகவும் கொந்தளிப்பாகவும் காணப்படும்.

மேலும் காலியில் இருந்து ஹம்பாந்தோட்டை ஊடாக பொத்துவில் வரையான கடற்பரப்புகளில் கடல் மட்டம் (சுமார் 2.5 - 3.0 மீற்றர் வரை) உயரும் சாத்தியம் காணப்படுகின்றது.புத்தளத்தில் இருந்து கடற்பரப்புகளில் கடல் மட்டம் (சுமார் 2.0 - 2.5 மீற்றர் வரை) உயரும் வாய்ப்பும் உள்ளது. 

எனவே, மறு அறிவித்தல் வரை காலி முதல் ஹம்பாந்தோட்டை வரை பொத்துவில் வரையான கடற்பரப்புகளில் மீன்பிடி மற்றும் கப்பல் போக்குவரத்தில் ஈடுபட வேண்டாம் என அறிவுறுத்தப்பட்டுள்ளது. 

இச்செய்திக்கு பிரதான அனுசரணை

வீடியோ இங்கே