இரகசியமாக நடத்தப்பட்ட முகநூல் விருந்து: பல பாடசாலை மணவர்கள் கைது

கம்பளை நீதவான் நீதிமன்றத்திற்கு சற்று தொலைவில் உள்ள இடத்தில் மிகவும்  இரகசியமாக நடத்தப்பட்ட முகநூல் விருந்தொன்றை மத்திய மாகாண கலால் திணைக்கள அதிகாரிகள் குழு சோதனையிட்டுள்ளது.

அந்த முகநூல் விருந்தில் பேஸ்புக்கில் மிக ரகசியமாக விளம்பரம் செய்து இளைஞர்கள் அழைத்து வரப்பட்டுள்ளனர்.

இதில் கலந்து கொண்ட 300 இளைஞர்களில் 50க்கும் மேற்பட்டோர்  பாடசாலை  மாணவர்கள் என கலால் திணைக்களம் தெரிவித்துள்ளது.
                                                                                                         
அந்த விருந்தில் 14-18 வயதுக்குட்பட்ட  மாணவர்கள் பங்கேற்றதாக தெரிவித்த கலால் துறை அதிகாரிகள், அந்த  மாணவர்களை அவர்களது பெற்றோரிடம் ஒப்படைக்க நடவடிக்கை எடுத்துள்ளனர்.

மத்திய மாகாணத்திற்குப் பொறுப்பான உதவி கலால் ஆணையாளர் உபுல் செனவிரத்னவுக்கு கிடைத்த தகவலின்படி, ஃபேஸ்புக் குழுவுடன் கலால் அதிகாரி ஒருவர் உன்னிப்பாக இணைத்து தகவல்களைப் பெற்றுள்ளார்.

இந்த முகநூல் விருந்து நேற்று (24) பிற்பகல் தொடக்கம் 02 மணி முதல் நள்ளிரவு வரை நடத்த திட்டமிடப்பட்டிருந்தது.

இரண்டு இளம் கலால் அதிகாரிகளும், இரண்டு பெண் அதிகாரிகளும் காதலர்கள் போல் வேடமணிந்து  விருந்தில்  கலந்து கொண்டு வியூகமாக சோதனை நடத்தியுள்ளனர்.

மத்திய மாகாணத்திற்குப் பொறுப்பான உதவி கலால் ஆணையாளர் உபுல் செனவிரத்னவின் பணிப்புரையின் பேரில், கம்பளை, ஹட்டன் மற்றும் நுவரெலியா கலால் நிலையங்களின் அதிகாரிகளின் பங்களிப்புடன் நேற்று மாலை 5 மணியளவில் இந்தச் சுற்றிவளைப்பு மேற்கொள்ளப்பட்டது.

சோதனையின் போது, ​​பங்கேற்பாளர்களில் பெரும்பாலோர் பல்வேறு போதைப்பொருள் மற்றும் மதுபானங்களை பயன்படுத்தியதாகவும், மிகவும் அநாகரீகமான முறையில் நடந்துகொண்டதாகவும் கலால் திணைக்களம் தெரிவித்துள்ளது.

கஞ்சா உள்ளிட்ட போதைப் பொருட்களை வைத்திருந்த 12 பேரை இன்று (25) கம்பளை மேலதிக நீதவான் அஜித் உடுகம முன்னிலையில் ஆஜர்படுத்தியதன் பின்னர், நாளை (26) வரை விளக்கமறியலில் வைக்க உத்தரவிடப்பட்டுள்ளது.

இச்செய்திக்கு பிரதான அனுசரணை

வீடியோ இங்கே