உயர் பாதுகாப்பு வலயங்களால் மக்களின் உரிமைகள் மீறப்படுகின்றன: சட்டத்தரணிகள் சங்கம்

உயர் பாதுகாப்பு வலயங்களை நியமிப்பதன் மூலம் மக்களின் உரிமைகள் மீறப்படுவதாக சட்டத்தரணிகள் சங்கம் சுட்டிக்காட்டியுள்ளது.

கொழும்பு மாவட்டத்தின் பல பகுதிகளை அதியுயர் பாதுகாப்பு வலயங்களாகப் பிரகடனப்படுத்துவது மக்களின் கருத்துச் சுதந்திரம், அமைதியாக ஒன்றுகூடும் சுதந்திரம், ஒன்றுகூடல் மற்றும் எதிர்ப்பு தெரிவிப்பதற்கான சுதந்திரம் உள்ளிட்ட மக்களின் உரிமைகளை மீறுவதாக இலங்கை சட்டத்தரணிகள் சங்கம் தெரிவித்துள்ளது.

அரச இரகசிய சட்டத்தின் கீழ் அதியுயர் பாதுகாப்பு வலயங்களை பிரகடனப்படுத்துவதற்கு ஜனாதிபதிக்கு அதிகாரம் இல்லை என சங்கம் விடுத்துள்ள அறிக்கையில் சுட்டிக்காட்டப்பட்டுள்ளது.

ஜனாதிபதி ரணில் விக்கிரமசிங்க விசேட வர்த்தமானி அறிவித்தல் மூலம் கொழும்பு மாவட்டத்தில் அதியுயர் பாதுகாப்பு வலயங்களை அறிவித்திருந்தார்.

அந்த வர்த்தமானி அறிவிப்பின்படி, நாடாளுமன்ற வளாகம் மற்றும் அதைச் சுற்றியுள்ள பகுதிகள், உச்ச நீதிமன்றம் மற்றும் அதைச் சுற்றியுள்ள பகுதி, ஜனாதிபதி செயலகம், ஜனாதிபதி மாளிகை ஆகியவை உயர் பாதுகாப்பு வலயங்களாக நியமிக்கப்பட்டுள்ளன.

அத்துடன் கடற்படைத் தலைமையகம், பொலிஸ் தலைமையகம், அக்குரேகொட பாதுகாப்பு அமைச்சு மற்றும் இராணுவத் தலைமையகம், கொம்பஞ்சவீதிய விமானப்படைத் தலைமையகம் ஆகியனவும் உயர் பாதுகாப்பு வலயங்களுக்குச் சொந்தமானவை.

மல்பாறை பிரதமர் அலுவலகம், கொள்ளுப்பிட்டி கோவில் மற்றும் பாதுகாப்பு செயலாளர் மற்றும் இராணுவ தளபதிகளின் குடியிருப்புகளை சூழவுள்ள பகுதிகளும் உயர் பாதுகாப்பு வலயங்களாக பிரகடனப்படுத்தப்பட்டுள்ளன.

இச்செய்திக்கு பிரதான அனுசரணை

வீடியோ இங்கே