அரச நிறுவனங்களில் தேசியக் கொடியை அரைக்கம்பத்தில் பறக்கவிடுமாறு அரசாங்கம் வேண்டுகோள்

மகாராணி இரண்டாம் எலிசபெத்தின் மறைவை முன்னிட்டு எதிர்வரும் 19ஆம் திகதி வரை அனைத்து அரச நிறுவனங்களிலும் தேசியக் கொடியை அரைக்கம்பத்தில் பறக்கவிடுமாறு அரசாங்கம் வேண்டுகோள் விடுத்துள்ளது.

மாண்புமிகு எலிசபெத்தின் மறைவுக்கு இரங்கல் தெரிவிக்கும் வகையில் ஜனாதிபதி ரணில் விக்கிரமசிங்க இதனைத் தெரிவித்ததாக பொது நிர்வாக உள்நாட்டலுவல்கள் அமைச்சின் செயலாளர் திரு.பிரியந்த மாயாதுன்ன தெரிவித்தார்.

இரண்டாம் எலிசபெத் மகாராணி 1952 முதல் 1972 வரை இலங்கையின் பேராயராக இருந்தார். பிரித்தானியாவில் அதிக காலம் மகுடத்தை வைத்திருந்த இரண்டாம் எலிசபெத் மகாராணி காலமானதாக பக்கிங்ஹாம் அரண்மனை 08ஆம் திகதி இரவு அறிவித்தது.

அவரது மரணத்தையடுத்து பக்கிங்ஹாம் அரண்மனைக்கு முன்பாக ஏராளமானோர் திரண்டதாக வெளிநாட்டு ஊடகங்கள் செய்தி வெளியிட்டுள்ளன. அவரது மரணத்திற்குப் பிறகு, அவரது மூத்த மகன் இளவரசர் சார்லஸ் பிரிட்டன் மற்றும் 14 காமன்வெல்த் நாடுகளின் புதிய மன்னராகவும், அரச தலைவராகவும் மாறுவார்.