மூடப்படும் நிலையில் பல தொழிற்சாலைகள்: தொழிலாளர்கள் கவலை

பேருவளை புறநகர் பகுதியில் உள்ள பி.ஓ.ஐ. உரிமம் பெற்ற செம்மண் தொழிற்சாலை மற்றும் குளிர்பதன கிடங்குகள் கொண்ட மூன்று ஐஸ் தொழிற்சாலைகள் உட்பட பெரிய மற்றும் சிறிய அளவிலான தொழிற்சாலைகள் எரிபொருள் மற்றும் எரிவாயு நெருக்கடியால் மூடப்பபட உள்ளதாக தொழிற்சாலைகளை நம்பியுள்ள தொழிலாளர்கள் தெரிவித்தனர்.

மீன் உற்பத்தித் தொழிலுடன் இணைந்த இத்தொழில்களில் ஆயிரத்துக்கும் மேற்பட்டோர் பணிபுரிந்து வருவதாகவும், ஆனால் தற்போது ஏற்பட்டுள்ள முக்கிய எரிபொருள் நெருக்கடி காரணமாக அவர்களில் 60% பேர் வேலையிழந்துள்ளதாகவும் கூறப்படுகிறது.

மேலும் இத்தொழிற்சாலைகளின் பொருட்களை கொண்டு செல்வதற்கு தேவையான எரிபொருள் இல்லாததாலும், மின்தடை ஏற்பட்டால் ஜெனரேட்டர்களை இயக்குவதற்கு தேவையான எரிபொருள் இருப்பு இல்லாததாலும் இத்தொழிற்சாலைகள் அனைத்தும் மழையினால் பாதிக்கப்பட்டுள்ளதாகவும் தொழிற்சாலை உரிமையாளர்கள் தெரிவித்தனர்.

எரிபொருள், மின்சாரம், தண்ணீர், எரிவாயு பற்றாக்குறையால் தொழிற்சாலைகள் ஒரு சில நாட்களில் மூடப்பட்டால், மீதமுள்ள ஊழியர்கள் மற்றும் நிறுவன உரிமையாளர்களின் குடும்பங்களின் பராமரிப்பு பெரும் அதல பாதாளத்தில் தள்ளப்படும் என்று கூறப்படுகிறது.

இங்குள்ள சில மீன் உற்பத்தித் தொழில்கள் அன்னியச் செலாவணி வருமானத்திற்குப் பங்களித்துள்ளதாகவும் இதனால் எரிபொருள் நெருக்கடி காரணமாக ஏற்றுமதி நடவடிக்கைகள் நேரடியாகப் பாதிக்கப்பட்டுள்ளதாகவும் அவர்கள் குறிப்பிட்டுள்ளனர்.

எனினும் அரசாங்கம் தலையிட்டு முறைப்படி எரிபொருளை வழங்காவிட்டால் பேருவளை பிரதேசத்தின் பொருளாதாரம் முற்றாக வீழ்ச்சியடையும் என அவர்கள் சுட்டிக்காட்டியுள்ளனர்.

இச்செய்திக்கு பிரதான அனுசரணை

வீடியோ இங்கே